UNTABAN 10:10 - Tanou Moonsoi Timugon

¹⁰ Koson raginio niayuk paat ra akau munsag; paat pangiantakan Sila' Bagu am pangiantakan ra bokon, samputi' noyo bujung-bujung raginio paat ra akau mapataak ra taak simbalui koson mapabansuk ra guang Kuno am taak simbalui koson makibarakat Raki', am mangindangan Aku ramuyun. Aku noyo Tuhan, i Aki Kapuuno' min.”

UNTABAN 10:10 ပူးပေါင်းရင်းမြစ်များ

2 RAJA'-RAJA' 4:23

Pangkuot ralaki nano, “Kua kia musiti' mongoi ra orou raiti'? Orou raiti' sala' ka orou Sabat kapoam Pangiantakan ra Sila' Bagu.” Taam io, “Kalo pana.”

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 16:42

I Giman am i Jidutun niayuk manalingapu ra bujung, simbal am niayuk kuliamos miujik ra bokon ondo' pinakai koson kulion paiison ra rimbai-rimbai pangamparan. Ulun-ulun ru bansa' ri Jidutun pinangandoi koson magalung ra kulobon-kulobon garabang.

2 TUNUNG RU BANSA' ISRAIL 29:26

kuliamos miujik koson ra pinakai ru Raja' Daut ragili. Imam-imam minigor niayuk ra giu' no ra bujung.

2 TUNUNG RU BANSA' ISRAIL 29:28

Moonong ulun ra giu' no maya' sumambayang, ulun-ulun maririmbai no marimbai, am ulun-ulun mangkuli ra miujik narayus nangkuli saboi ngaangai' taak simbalui nakai' sinolob.

2 TUNUNG RU BANSA' ISRAIL 7:6

Imam-imam minigor giu' ra intok ondo' inaru' noyo risilo, am ulun ru Liwi minigor tumingkuang risilo. Ulun ru Liwi mongompor ra Tuhan mabaya' ra kuliamos miujik ondo' tinampos noyo ru Raja' Daut, liliwa' marimbai ra rimbai “Togom Nano Mantilayun!” sumugut ra nanusuban ru Raja' Daut. Imam-imam nanamput ra bujung liliwa' ngaangai' ru mamagun minigor.

IJRA 3:10

Paat ra ulun-ulun mangngandoi ra pambaalan timinalimpuun napabanta' ra batu maatang ru Baloi ru Tuhan, imam-imam ondo' nambayang ra sukub am nagibit ra bujung minongoi ra intok ru sigagama'. Ulun ru Liwi intor ra bansa' ru Asap niayuk minigor ra giu' no liliwa' nagibit ra agung-agung boborok. Nongompor-ngompor ilo ra Tuhan siminugut ra aturan ondo' inaru' intor ra paat ru Raja' Daut.

MAZMUR 150:3

Omporo' Io ra bujung! Omporo' Io ra gambus am jitor!

MAZMUR 81:3

Patalimpuuno' noyo miujik am asaso' tamburing; parimbai ra sulabit matangil am kayuson jitor am gambus.

MAZMUR 81:4

Samputi' noyo bujung bulintok ra pangiantakan takau ra bulan bagu am bulan salawang.

MAZMUR 89:15

Pamarintaan Muno sumugut ra ukum am katimpakan; togom am gagaya' soroi ra nansalinut binaal Muno.

KAINGKUALAN 28:29

“Makasubol i Arun ra Lamin Pansunuran, musiti' io magutau ra ondo' makabatik ra inggalan ru bansa'-bansa' ru Israil, maa' raginio Aku Tuhan, magail mangkara' ra ulun Kuno.

KAINGKUALAN 30:16

Timungon ruit no intor ra ulun ru Israil am pakayon ginio koson kaatangan ru sambayang ralalom Kim Kuno. Ngaangai' no iono ruit pamuli' risilo, am magail Aku mangkara' ra mangampin risilo.”

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

UNTABAN 10:9

Paat ra akau mangayou giu' ra tana' min koson mangampin ra inan intor ra pantula' ondo' namulunsar ramuyun, samputi' bujung-bujung raginio koson manaak ra pulanu ru pangayawan. Aku Tuhan, i Aki Kapuuno' min, mangindangan am mamayag ramuyun intor ra pantula'.

UNTABAN 28:11

Papataak noyo ra taak simbalui koson mapabansuk ra guang ru Tuhan paat ra orou kasaa' ra moonong sila', ondo' ginio ruo ngainan sapi' gawayan mamulok, sanginan domba gawayan, tulu' ngainan anak domba gawayan ondo' umur no sambilor am kalo najamaran.

UNTABAN 29:1

Paat ra orou kasaa' ra sila' katulu', akau musiti' tumimung ra sumambayang; pai' noyo pangandoi ra maagat. Paat ra orou raginio bujung-bujung musiti' samputin.

MATIUS 11:28

“Ratong kano Raki' akau ngaangai' ondo' naagui sabap ra naagatan; patanguson takamin.

RINALATAN 10:4

Nalaa' i Konilius am nonontong ra malaikat indagu io, “Kua guat, tuan?” Taam malaikat i, “Ngaangai' pakiasian am indangan muno ra ulun musikin i naapu noyo ri Aki Kapuuno' am tumaam io rirun.

1 KORINTUS 15:52

Koson ra sangkuliop ayuk, paat ra bujung ra pupus no samputin, ulun namagatoi bayagon saguli' mabaya' ra inan mantilayun, am itakau ti pana kulawon.

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

1 TISALONIKA 4:18

Ginio ra kaikango' noyo guang mino ra rondo' am bokon ra ragu ragitio.

JOSUA 4:7

balain ilo ra Sungoi Jordan minuog tumilis paat Kaban Nabantuan ru Tuhan sinaanan lumaup ra sungoi no. Batu-batu no magail mampakara' ra ulun ru Israil intor ra kasaukan ondo' nasauk ragiti.”

JOSUA 6:4

Tulu' ngaulun imam ondo' sigagama' magibit ra rondo' bujung musiti' mugar giu' ra saang ru Kaban Nabantuan. Paat orou Katulu', okou am saujor-saujor muno musiti' mugar lumiput ra bandar no intulu', liliwa' imam-imam manamput ra bujung.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.

1 SAMUIL 20:5

Taam i Daut, “Koson ragitio, susuab no Pangiantakan ra Sila' Bagu. Sotopot no aku ti musiti' maya' ra raja' no mangakan. Kaa' amon ru mangiou kou, mongoi aku pansibuni giu' ra padang saboi ra rondom ru malaas no.