UNTABAN 1:53 - Tanou Moonsoi Timugon

⁵³ Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 1:53 ပူးပေါင်းရင်းမြစ်များ

1 TUNUNG RU BANSA' ISRAIL 23:32

Pinangandoi ilo niayuk koson magalung ra Kim ru Tuhan am Baloi ru Tuhan, am niayuk mangindangan ra pabukat-pabukat nilo, iono imam-imam papag ri Arun, ralalom ru panalingapuan ra sambayang giu' ra intok no.

2 TUNUNG RU BANSA' ISRAIL 13:10

Kaa' lakat akai poyo mangandoi ayuk ra Tuhan, i Aki Kapuuno' mai. Kalo nangiruan akai Riso. Imam-imam ru papag ri Arun nambaal ra kandoi nilo liliwa' inindangan ru ulun ru Liwi.

2 TUNUNG RU BANSA' ISRAIL 13:11

Moonong susuab ti am mai' ti mampataak ilo ra kaminyan, am niayuk bibiag koson ra taak simbalui koson mapabansuk ra guang ru Tuhan. Mampataak ilo ra ruti' pasulungon giu' ra rasawat ru mija' ondo' pinatimpok noyo, am moonong rondom mansikit ilo ra lampung-lampung ra tampakan ra lampung mas. Binaal mai susuban ru Tuhan, kaa' inimpayan min Io.

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

IMAMAT 10:6

Kopongo raginio indagu i Musa ri Arun am anak-anak nano, i Iliajar am i Itamar, “Pai' polosoo' masasung abuk mino, am pai' rilako' bayang mino koson tatandu' ra mangulir. Amon ru baalon min ginio, matoi kau am sumangit Tuhan ra ngaangai' ulun ti. Kaa' ngaangai' ulun ru Israil ra bokon no makapangulir ra pinatayan nilo ruo; minatoi ilo sabap natiu' ra apui ondo' pinatuun ru Tuhan.

UNTABAN 1:50

Kaa' susubo' ulun ru Liwi manalingapu ra Kim Kuno am ngaangai' kuliamos no. Musiti' nilo pikulin Kim am kuliamos no, am niayuk mangandoi ra giu' no. Ilo niayuk musiti' mangkim niayuk ra liput ru Kim Kuno.

UNTABAN 1:54

Ulun ru Israil pana nambaal ra ngaangai' nanusuban ru Tuhan ri Musa.

UNTABAN 16:46

am indagu boo i Musa ri Arun, “Alapo' intok ru baa muno am suangi' ra baa ru apui intor ra altar, am suangi' ra kaminyan ra baa ru apui no. Ibito' intok ru baa ru apui no ra ulun no ra mataki', am baalo' upacara pamasawan risilo. Ribaki'! Sangit ru Tuhan nasimbulukan noyo am maruol tumapik tumalimpuun noyo.”

UNTABAN 16:9

Indos min kia ra baal ragitio boborok paat i Aki Kapuuno' ru Israil napasuai ramuyun intor ulun ru Israil ra bokon, maa' raginio makainggaar kau Riso am mangandoi giu' ra Kim Nano, am niayuk mangandoi tayar ru ulun ru Israil am kumambo risilo?

UNTABAN 17:7

Kopongo raginio pinabanta' ri Musa ngaangai' jujuga' no giu' ralalom Kim ru Tuhan, giu' ra saang ru Kaban Nabantuan.

UNTABAN 2:17

Kopongo raginio, ulun ru Liwi ondo' mamikul ra Kim ru Tuhan musiti' mugar mangkilolot ra ruo ngampulalai ondo' kasaa' am ruo ngampulalai ondo' pupus. Moonong pulalai musiti' mugar sumugut ra pangaruan paat mangkim; sigagama' ra intok no am ragana' ru bandira' nano.

UNTABAN 3:23

Bansa' ragitio musiti' mangkim tampilon ra kalasaan, tinaulian ru Kim ru Tuhan.

UNTABAN 3:29

Bansa' ragitio musiti' mangkim tampilon ra rabugus ru Kim ru Tuhan.

UNTABAN 3:35

Bansa' ragitio musiti' mangkim ra tampilon ralayo ru Kim ru Tuhan. Tingganai nilo iono i Juriil anak ri Abiail.

UNTABAN 3:38

I Musa, i Arun am anak-anak nano musiti' mangkim ra saang ru Kim ru Tuhan, tampilon ra sirangon. Mapaugar ilo ra sambayang giu' ralalom ru Lamin Matulai tayar ru ulun ru Israil. Ulun ra bokon ondo' kuminam mapaugar ra kandoi raginio musiti' ukumin ra matoi.

UNTABAN 31:30

Intor ra tayar ondo' pinataak ra ulun ru Israil ra bokon, alapo' sangulun rinakop intor ra moonong 50 ngaulun rinakop. Koson niayuk ra sapi', kaladai, domba am kambing. Pataako' noyo ngaangai' no ra ulun ru Liwi ondo' manalingapu ra Kim Kuno.”

UNTABAN 31:47

Intor ra tayar ragitio, nangalap i Musa rondo' intor ra moonong 50 ngaulun rinakop am bibiag tinambiag, am pinataak ngaangai' no ra ulun ru Liwi ondo' nangandoi ra Kim ru Tuhan, koson ra nanusuban ru Tuhan.

UNTABAN 8:19

Ulun ru Liwi pataakon Ku ri Arun am anak-anak ungkuyon nano tayar ru taak intor ra ulun ru Israil, maa' raginio ulun ru Liwi makapangandoi ra tayar ru ulun ru Israil giu' ra Kim Kuno. Makiampun ulun ru Liwi niayuk intor Raki' ra tayar ru ulun ru Israil maa' raginio ulun raginio kalo malumpa' ra karaat amon ru matong ilo mamaar kaga' ra Lamin Matulai.”

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

1 SAMUIL 6:19

Namatoi Tuhan ra tulu' ngoopor ngaulun mamagun ru Bit-Simis sabap ra inilayan nilo ralalom ru Kaban Nabantuan no. Ginio ra nangulir mamagun ru bandar no sabap ra linumpa' ilo ru Tuhan ra baal makalalaa' kaga'.