UNTABAN 1:50 - Tanou Moonsoi Timugon

⁵⁰ Kaa' susubo' ulun ru Liwi manalingapu ra Kim Kuno am ngaangai' kuliamos no. Musiti' nilo pikulin Kim am kuliamos no, am niayuk mangandoi ra giu' no. Ilo niayuk musiti' mangkim niayuk ra liput ru Kim Kuno.

UNTABAN 1:50 ပူးပေါင်းရင်းမြစ်များ

2 TUNUNG RU BANSA' ISRAIL 24:6

Ginio ra pampiau Raja' Joas ri Joyada, tingganai nilo am pangkuot, “Kua rirun kalo nanusub ra ulun ru Liwi mongoi ra mamagun ru Jiuda am Jirusalim koson manimung ra cukai ondo' pinaugar ri Musa, ulipon ru Tuhan no ra tayar ru Kim ru Tuhan?”

NIGIMIA 12:22

Suang ru inggalan ru tingganai-tingganai ru imam am ulun ru Liwi binaal bulintok ra Tingganai Maayo Imam ragitio: I Ilyasib, Joyada, Joganan am Jadua. Suang ru inggalan raginio nopongo bulintok ri Darius nasauk ra raja' ru Pirsia.

NIGIMIA 12:47

Bulintok ri Jirubabil am niayuk bulintok ri Nigimia, ngaangai' mamagun ru Israil nampataak ra taak moonong orou koson ra kaukapan ru pakuan moonong orou ru ulun-ulun maririmbai am ulun-ulun magalung ra Baloi ru Tuhan. Mamagun nampataak ra taak ondo' luntukon ra ulun ru Liwi, am ulun ru Liwi boo mangani' ra tayar ondo' paluntukon ra imam-imam.

NIGIMIA 12:8

Ulun ru Liwi: Ulun maningganai ra rimbai paringkuanangan: I Jisua, Binui, Kadmiil, Siribia, Jiuda am Matanya.

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 13:5

Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan.

MAZMUR 122:4

Ra giti noyo nansalinut bansa' rumatong, bansa'-bansa' longgom ru Tuhan, koson maringkuanang ra Tuhan, sumugut ra panusuban Nano.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 38:21

Gitio noyo suang ru basi' ondo' pakayon ralalom Kim ru Tuhan, intok ru ruo batu pamatikan ondo' tinulisan ra Mopor Ukum no binulian. Suang no binaal maya' ra susuban ri Musa am tinampos ru ulun ru Liwi, ondo' nangandoi ra tiningganai ri Itamar, anak ri Imam Arun.

UNTABAN 1:53

Kaa' ulun ru Liwi musiti' mangkim ra liput ru Kim Kuno ra magalung raginio maa' raginio kolondo' osoi pana minggaar raginio, am mangkinibit Raki' sumangit am mangukum ra ulun ru Israil.”

UNTABAN 10:21

Bansa' ru Kigat boo ondo' namikul ra kuliamos mangapasau no minugar. Paat ra ilo nakasaboi giu' ra intok pangkiman bagu, natirong noyo Kim ru Tuhan.

UNTABAN 17:7

Kopongo raginio pinabanta' ri Musa ngaangai' jujuga' no giu' ralalom Kim ru Tuhan, giu' ra saang ru Kaban Nabantuan.

UNTABAN 18:5

Okou am anak-anak ungkuyon muno ayuk pambaalon ra kandoi giu' ra Lamin Matulai am giu' ra altar, maa' raginio kalo sumangit Aku ra ulun ru Israil.

UNTABAN 2:17

Kopongo raginio, ulun ru Liwi ondo' mamikul ra Kim ru Tuhan musiti' mugar mangkilolot ra ruo ngampulalai ondo' kasaa' am ruo ngampulalai ondo' pupus. Moonong pulalai musiti' mugar sumugut ra pangaruan paat mangkim; sigagama' ra intok no am ragana' ru bandira' nano.

UNTABAN 20:11

Kakato' boo ri Musa jujuga' no am palambaa' induo ra bulur batu no. Miningkual timug bubuluak saboi ngaangai' ulun am bibiag tinambiag nilono nakainum.

UNTABAN 4:15

Paat maparulun ra Kim, bansa' ru Kigat mangkayang ra kuliamos mangapasau ra mopongo ayuk taubin ri Arun am anak-anak nano ngaangai' kuliamos no am niayuk kuliamos ra ukop nano. Kalo pokombongon bansa' ru Kigat ra kuliamos mangapasau no. Amon ru mangambong ilo raginio, matoi ilo. Ginio noyo kandoi ru bansa' ru Kigat paat pabandingon Kim ru Tuhan.

UNTABAN 4:3

am maa' raginio maparijisto ra ngaangai' ungkuyon intor ra 30 am 50 ngambilor, ondo' maaya' mangandoi giu' ra Kim ru Tuhan.

UNTABAN 8:19

Ulun ru Liwi pataakon Ku ri Arun am anak-anak ungkuyon nano tayar ru taak intor ra ulun ru Israil, maa' raginio ulun ru Liwi makapangandoi ra tayar ru ulun ru Israil giu' ra Kim Kuno. Makiampun ulun ru Liwi niayuk intor Raki' ra tayar ru ulun ru Israil maa' raginio ulun raginio kalo malumpa' ra karaat amon ru matong ilo mamaar kaga' ra Lamin Matulai.”

UNTABAN 8:20

Ginio ra i Musa, i Arun am ngaangai' ulun ru Israil patimpokon ra ulun ru Liwi ra Tuhan, sumugut ra susuban ru Tuhan ri Musa.

UNTABAN 8:22

Nambaal ulun ru Israil ra ngaangai' nanusuban ru Tuhan ri Musa intor ra ulun ru Liwi. Koon raginio noyo ulun ru Liwi maaya' mangandoi giu' ra Kim ru Tuhan ra tiningganai ri Arun am anak-anak ungkuyon nano.

PINAINTALANG 15:5

Kopongo raginio, kakito ku Baloi Tuhan giu' ra suruga', naukab am Kim Sambayangan nokosoroi ra ralalom no.