UNTABAN 1:4 - Tanou Moonsoi Timugon

⁴ Kitaako' noyo sangulun tingganai ru bansa' no intor ra moonong bansa' mangindangan rirun.”

UNTABAN 1:4 ပူးပေါင်းရင်းမြစ်များ

1 RAJA'-RAJA' 8:1

Kopongo raginio Raja' Salomo nanusub ra ngaangai' tingganai ru bansa'-bansa' ru Israil muma' riso giu' ra Jirusalim, koson mapabanding ra Kaban Nabantuan ru Tuhan intor ra Sion, bandar Daut, mongoi ra Baloi ru Tuhan.

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

KAINGKUALAN 18:25

Nampili' i Musa ra kukula' ngaulun ungkuyon ondo' mapintar ra popolos ru ulun ru Israil, am nampalantik risilo ra tingganai ondo' maningganai ra saribu ngaulun, maatus ngaulun, limo ngoopor ngaulun am mopor ngaulun.

UNTABAN 17:3

am tulisi' inggalan ri Arun ra jujuga' ondo' nanguakil ra bansa' ru Liwi. Moonong tingganai ru bansa' musiti' mokoondo' rondo' jujuga'.

UNTABAN 25:14

Inggalan ru ulun ru Israil ondo' pinatoi nabaya' ra ruandu' Midian no iono i Jimri anak ri Salu; tingganai io ru rondo' sasambaloi ru bansa' ru Simion.

UNTABAN 25:4

am indagu ri Musa, “Rokopo' ngaangai' tingganai ru ulun am potoyo' ilo paat ra matawang, sumugut ra susuban Kuno, maa' raginio kalo boo sumangit Aku ra ulun ragitio.”

UNTABAN 30:1

Nanaak i Musa ra aturan ragitio ra tingganai-tingganai ru bansa'-bansa' ru Israil.

UNTABAN 4:34

Nanguntob i Musa, i Arun am tingganai-tingganai ru Israil ra talu bansa' ru Liwi, iono bansa' ru Kigat, Girson am Mirari, sumugut ra susuban ru Tuhan risilo. Inuntob nilo bansa' raginilo sumugut ra bansa' am sasambaloi ru sigagama'. Naparijisto ilo niayuk ra ngaangai' ungkuyon ondo' umur no intor ra 30 am 50 ngambilor, ondo' maaya' mangandoi giu' ralalom Kim ru Tuhan. Suang nilo koson ragitio: Bansa' Suang ru Ulun Kigat 2,750 Girson 2,630 Mirari 3,200 Suang: 8,580

UNTABAN 7:2

Tingganai-tingganai ru bansa' ondo' nasauk ra tingganai ralalom bansa' ru Israil, iono ulun linansanan mapaugar ra panguntaban no,

SAGULION 1:15

Ginio ra nampili' aku ra kukula' ngaulun ondo' mapintar toojo am makanailian, ondo' pinili' min noyo intor ra moonong bansa' maa' raginio masauk ra tingganai min. Mokoondo' kukula' ngaulun risilo ondo' pinalansan saribu ngaulun, ondo' bokon no maatus ngaulun, ra limo ngoopor ngaulun, am niayuk ra mopor ngaulun. Nampili' aku niayuk ra pagawai-pagawai ra bokon ra gino ngai' ru bansa' min.

JOSUA 22:14

Mopor ngaulun tingganai minongoi nabaya' ri Pinigas, sangulun intor ra moonong bansa' giu' ra tampilon kalasaan ru Sungoi Jordan; moonong ulun no iono tingganai ru sasambaloi ralalom ru bansa' ru sigagama'.