TITUS 3:6 - Tanou Moonsoi Timugon

⁶ Intor ra kinataau Nano, pinataak ri Aki Kapuuno' Ambiluo Nano mansail ri Jisus Kristus, Mamamayag takau.

TITUS 3:6 ပူးပေါင်းရင်းမြစ်များ

JOIL 2:28

“Kopongo raginio pasasaron Ku Ambiluo Kuno ra ngaangai' ulun: anak ungkuyon am anak ruandu' min mampatanou ra tanou Kuno; ulun matutuo min maginupi, am ulun mamulok min makakito ra napakitanan.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

RINALATAN 10:45

Ulun ru Jaudi ondo' nangintopot ri Jisus, am ondo' minaya' ri Pitrus intor ra Jopi, nangimuag nagilong ri Aki Kapuuno' mangani' ra Ambiluo Nano ra ulun sala' ka Jaudi niayuk.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

JISAYA 44:3

“Pasasaron Ku timug ra tana' ondo' mapua', am patilison Ku sungoi-sungoi boborok ra intok mapua'. Pasasaron Ku Ambiluo Kuno ra anak-anak mino barakatin Ku papag mino.

JUANIS 16:7

Ondo' raguon Kutu ramuyun motopot: Moonsoi ra Aku mugar, amon ru kalo, Mangingindangan no kalo matong ramuyun. Kaa' amon ru mugar Aku, porotongon Ku boo Io ramuyun.

JUANIS 1:16

Sabap ra togom Nano ra maayo no, kalo lumonggo' Io mambarakat ritakau.

AMSAL 1:23

Iningo' min aku mangila' ramuyun. Pinsanin takamin, am mantayar ramuyun ra katutunan kuno.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

ROMA 8:2

Sabap ra ukum ru Ambiluo ri Aki Kapuuno' ondo' mangani' ra kaayagan ra pasimpungan takau ri Kristus Jisus, nampalabus noyo raki' intor ra ukum ondo' mangkinibit ra tula am kapatayan.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.