TITUS 3:5 - Tanou Moonsoi Timugon

⁵ namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

TITUS 3:5 ပူးပေါင်းရင်းမြစ်များ

AYUP 15:14

Topot-topot kia ulun kolondo' pilat? Maalap kia ulun iowon giu' ra saang ri Aki Kapuuno'?

AYUP 25:4

Maaru' lair ra mapasau ulun ra pagilangan ri Aki Kapuuno'? Maaru' lair ra malunau ulun ra pagilangan Nano?

AYUP 9:20

Aku ti gumagaya' am kolondo' sala, kaa' ragu-ragu kuno rongogon koson makasala, moonong ragu ondo' mingkual intor ra kabang kuno koson ayuk mononsol raki'.

MAZMUR 130:7

Akau Israil, lansan kano ra Tuhan, sabap Io maaru' monogom am masalok tumampos mamayag ramuyun.

MAZMUR 143:2

Aku ulipon Muno, pai' aku akimi'; kolondo' sangulun pana ondo' kalo makasala ra saang Muno.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

MAZMUR 62:12

Ingkula' aku no pokorongog ra ragu ri Aki Kapuuno' ra ngaangai' ru kuasa' intor Riso,

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

JISAYA 57:12

Indoson min binaal mino motopot, kaa' pasalulaan Ku kalaatan toojo mino, am sinungkalalaing mino kalo makapangindangan ramuyun.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

MATIUS 3:11

Ginio ra riwon takamin ra timug koson ra tatandu' ra akau ti timinalikur noyo intor ra tula. Kaa' Io ondo' matong ra maagu no mampariu' ramuyun ra Ambiluo ri Aki Kapuuno' am apui. Maayo kuasa' Nano ka aku, magibit ra kasut Nano pana kalo maaya' aku.

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

LUKAS 1:54

Mangindangan Io ra ulun ru Israil, ulipon Nano, sabap ra mangkara' Io ra asi' Nali.

LUKAS 1:72

Koson mampakito ra asi' Nano ra kinamatuaan takali am suguton No bantu' Nali ra matulai i.

LUKAS 1:78

Tuhan takano mataau am makaasi' kaga' am matong Io mamayag ritakau. Koson niayuk ra mato ru orou sumirang paat ra susuab,

ROMA 11:14

Intor raginio mangkinibit aku lair ra ulun ru bansa' kuno mangusolon am makapamayag i Aki Kapuuno' ra santayaran risilo.

ROMA 11:6

Pampilian ri Aki Kapuuno' maya' ra kataawan Nano am sala' ka maya' ra atan ondo' binaal ru ulun. Sabap ra amon ru pampilian ri Aki Kapuuno' maya' niayuk ra binaal ru ulun, arati' no ginio sala' ka totopot kataawan.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 3:20

Sabap ra kolondo' sangulun pana pobonsoyon ri Aki Kapuuno' sabap ra sumugut io ra panusuban ru Ukum no. Sotopot no, Ukum raginio mambala' ayuk ra itakau ulun makatula.

ROMA 3:28

Arati' ru ngaangai' raginio, ulun mobonsoi saguli' ri Aki Kapuuno' sabap ra mangintopot io ri Jisus Kristus am sala' ka sabap ra gumagaya' ra Ukum ri Musa.

ROMA 4:5

Kaa' osoi ayuk kalo lumansan ra kapiratan nano ra Tuhan, kaa' mangintopot ayuk ri Aki Kapuuno' ondo' mangiou ra ulun makatula no kolondo' boo kasalaan, ulun no mobonsoi saguli' ri Aki Kapuuno' sabap ra pangintapatan nali.

ROMA 9:11

Koson mampakito ra sangulun intor ra anak-anak pilian Nano, minindagu i Aki Kapuuno' ri Ribika, “Anak ra katuaan no mangandoi ra boborok nano.” Ginio rinagu Nano ra kalo poyo karuruo anak ni inanak am kalo poyo nambaal ilo ra moonsoi kapoam malaat. Maa' raginio makito toojo ra pilian ri Aki Kapuuno' no kalo inimpuun ra baal nilo, kaa' maya' ra pampiawan Nano galama' ayuk.

ROMA 9:16

Baal raginio kalo maya' ra kasagaan kapoam kapiratan ru ulun, kaa' maya' ra kataawan ri Aki Kapuuno'.

ROMA 9:30

Gitio noyo arati' ru raguon mai; ulun sala' ka Jaudi ondo' kalo mirot mobonsoi saguli' ri Aki Kapuuno', ilo noyo pinobonsoi saguli' ri Aki Kapuuno' ralalom ru pangintapatan nilo Riso.

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

GALATIA 2:16

Kaa' mapandayan noyo ra sasangulun no mobonsoi saguli' ri Aki Kapuuno' sabap ra mangintopot io ayuk ri Jisus Kristus, am pai' ru maya' ra Ukum ri Musa. Akai pana nangintopot ri Jisus Kristus, maa' raginio mobonsoi akai saguli' ri Aki Kapuuno' sabap ra pangintapatan mai ti, am sala' ka maya' ra Ukum ri Musa. Kolondo' sangulun pana mobonsoi saguli' ri Aki Kapuuno' maya' ra Ukum ri Musa.

IPISUS 2:4

Kaa' ginio gayo ru asi' ri Aki Kapuuno' am poyo togom Nano ritakau ra kalo maalap kauntob,

IPISUS 4:23

Talimbagui' min noyo guang am pangkaraan mino.

IPISUS 5:26

Binaal ri Kristus raginio, maa' raginio maimpasawan ilo no mumbaya' ra bala' Nano am poyo mabaya' ra pamariwan.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.

KOLOSI 3:10

Raino inanian kau ra kaayagan bagu. Akau noyo ulun bagu ondo' masalok talimbaguin ri Aki Kapuuno' koson makatilu ra paliso Nano. Arati' no makaintutun kau bagu toojo ri Aki Kapuuno'.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

TITUS 3:4

Kaa' paat i Aki Kapuuno', Mamamayag takau, nampaintalang ra kataawan ru togom Nano,

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

IBRANI 6:6

Amon ru nakaili' ilo ngaangai' raginio, bagu liminugut ilo intor ri Kristus, kalo boo lair makatalikur ilo saguli', sabap ragitio koson ayuk ra manalip ilo poyo saguli' ra Anak ri Aki Kapuuno' saboi asabin nilo Io ra saang ru ulun masuang.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

1 PITRUS 2:10

Ragili, akau sala' ka ulun ri Aki Kapuuno', kaa' raino siminauk kano boo ra ulun Nano. Am poyo ragili, pai' ru nakaulig kau ra asi' Nano, kaa' raino ti inasian kau boo.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,