TITUS 3:2 - Tanou Moonsoi Timugon

² Ragui' ilo no ra pai' pangalimut kapoam pakimansangor, kaa' masalok masamba am molomoi ra ngaangai' ulun.

TITUS 3:2 ပူးပေါင်းရင်းမြစ်များ

2 SAMUIL 22:36

Iou Tuhan, manindung am mamayag Kou raki'; pangindanganan Muno nakasauk raki' ra maayo.

MAZMUR 140:11

Polosoon noyo pulumpur ru apui rumatu' risilo; polosoon ilo no maratu' ra lagam am kalo boo makaingkual.

AMSAL 19:19

Polosoon noyo ulun ondo' mataki' sumangit makaliman ra kinibit nano. Amon ru mangindangan kau ra ulun no igondo', musiti' indanganon min poyo.

AMSAL 25:24

Mayan ra pinuusan ru baloi moonsoi poyo ka mayan ra ralalom ru baloi masimpung ra andu' ondo' masaga' makimansangor.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

MATIUS 11:29

Gagayaa' noyo susuban Kuno am igigila' kano Raki', sabap ra Aku ti mataau am minggana' guang am akau pana makaalap ra kaansayan.

RINALATAN 23:5

Taam i Paulus, “Pabukat kau ngaangai'! Sotopot no kalo nakatutun aku ra io ti am Tingganai Maayo Imam Jaudi. Ginio mokoondo' noyo tinulisan ra Buuk Kitab, ‘Pai' pagasab ra tingganai ru bansa' mino galama'.’ ”

1 KORINTUS 6:10

ondo' mantakou, makalit, gagaukon, manimbaal ra ragu ra ulun bokon, am poyo ulun mampagaau – ngaangai' ulun raginio kalo masauk ra ulun ri Aki Kapuuno'.

1 KORINTUS 9:19

Aku ti sala' ka ulipon ru osoi ayuk pana. Kaa' aku galama' siminauk ra ulipon ru ngaangai' ulun, maa' raginio makapangkimait aku ra masuang ulun mangintopot ri Kristus.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

IPISUS 4:31

Langgai' noyo paliso ra mangusolon, guang ra malaat am masasangit. Pai' kau pakimansangor kapoam magasab ra ulun. Inggalur kano ra guang ra masisang.

PILIPI 4:5

Pakitono' min noyo kinoonsoi ru guang mino ra ngaangai' ulun, sabap ra mamaar noyo Tuhan sumaguli'.

1 TISALONIKA 2:7

kabalu' pana akai ti, koson ra rasul ri Jisus Kristus, maaya' akai makitaak ra atan-atan ayuk intor ramuyun. Kaa' kinolomoi mai guang mai paat ra akai soroi ramuyun, koson ra sangulun ina' ra io mantalaanak.

1 TIMOTIUS 3:11

Andu' nilo pana musiti' makapaliso ra moonsoi, sala' ka masaga' mansunur ra bokon, mataan guang am malansanan ra atan ayuk baal.

1 TIMOTIUS 3:3

Am poyo kalo gagaukon, kalo makimansangor kaa' sotopot no lumomoi ayuk am makimobonsoi am kalo maringkumaa' ra kalangkayaan.

JAKUBUS 3:17

Kaa' kapintaran ondo' intor ra suruga', kasaa' no io mapasau am kolondo' sala; am poyo masaga' ra pabansayan, masamba, minsugut; mapanu' ra asi' am baal moonsoi; kalo mainggi' io am mabanis ayuk guang.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 PITRUS 3:10

Koson tinulisan ra Buuk Kitab; “Osoi ayuk masaga' ra kaansayan am maguyum ayuk ra katasuan ra orou-koorou, moonsoi ru palanggain kabang nano ra kalo mindagu ra malaat am poyo abau.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:4

Kaa' raino maliangan boo ulun ondo' kalo mangintopot ra Tuhan ra kalo boo maya' kau ra jajou nilo. Ginio nai puun ra ilo magasab boo ramuyun.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.

JUDAS 1:10

Kaa' ulun koson raginio magasab ra ngaangai' ondo' kalo napandayan nilono. Ilo ti koson ayuk ra bibiag masigo ondo' maya' ayuk ra kinibit ru pamalimanan nilai no. Paliso ragitio noyo mangkinibit risilo ra kapusaan.

JUDAS 1:8

Mogondo' niayuk ra mangingila' ra mangaabau-abau ondo' mokoondo' rokoon ra papaintalangan saboi mangkinibit risilo ra baal makauyuyu' raginio. Talaingon nilo kuasa' ri Aki Kapuuno' am poyo asabin nilo ondo' mangatulai giu' ra suruga'.