TITUS 2:12 - Tanou Moonsoi Timugon

¹² Am ginio noyo makapanulu' ritakau mangulau ra kaayagan ondo' kalo sumugut ra kasagaan Nano, ioginio kasagaan ru tana' ti. Maa' raginio mabanis guang am mongorot takau am makapampagagaya' takau toojo ri Aki Kapuuno' ra tana' ti.

TITUS 2:12 ပူးပေါင်းရင်းမြစ်များ

YEHEZKIEL 36:27

Pasasaron Ku Ambiluo Kuno ralalom ru guang mino maa' raginio sumugut kau ra ukum Kuno am gumagaya' ra ngaangai' susuban ondo' tinaakan Ku noyo ramuyun.

MATIUS 16:24

I Jisus pana mindagu boo ra maamaya'-maamaya' Nano, “Moonong ulun ondo' masaga' maya' Raki', lilianin no kasagaan nano galama', mansaan io ra salip nano am maya' Raki'.

ROMA 6:19

Alapon ku tiluan ru ulipon ti sabap ra mangailo kau mangarati'. Ra galing i pinoloso noyo kaayagan mino galama' sumauk ra ulipon ru baal majamol koson mambaal ra malaat. Koson niayuk raino, polosoo' noyo kaayagan mino galama' sumauk ra ulipon ru kasagaan ri Aki Kapuuno' koson akau galama' patimpokon Riso.

MAZMUR 4:3

Ngaangai' ulun, kula' poyo buoi ra akau magasab Raki'? Kula' poyo buoi ra akau monogom ra baal kolondo' onong no, am mangilou ra ondo' kalo motopot?

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

1 JUANIS 2:6

Osoi ayuk mindagu ra maayag io sumimpung ri Aki Kapuuno', musiti' io maayag koson ra bayag ri Jisus Kristus.

2 TIMOTIUS 3:12

Sotopot no, ngaangai' ulun ondo' masaga' gumagaya' am sumimpung ri Jisus Kristus, makatuum niayuk ra kaimbalaan.

PINAINTALANG 14:12

Ginio boo sabap ra ulun ri Aki Kapuuno' ondo' gumagaya' ra panusuban Nano am niayuk gumagaya' ri Jisus, musiti' ilo tumaan ra kaimbalaan.

LUKAS 1:75

am mambaal ra kasagaan Nano am mangandoi Riso ayuk, buoi itakau maayag ra tana' ti.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 TISALONIKA 4:9

Kalo pana boo mamatik akai ramuyun ra ati kulaan motogom ra pabukat min ra Kristian, sabap ra akau galama' naila' noyo ri Aki Kapuuno' koson motogom ra rondo' am bokon.

IPISUS 2:2

Paat ragili minaya' kau ayuk ra paliso malaat ru ulun ru tana' ti. Giminagaya' kau ra tingganai ru mangunguasa' ra limbowon, am raino pana manguasa' ra ulun ondo' minanggal ri Aki Kapuuno'.

ROMA 12:2

Pai' min tiluo' kiralan ru ulun ondo' kalo mangintopot ra Tuhan, kaa' polosoo' noyo pamaguangan mino talimbaguin ri Aki Kapuuno'. Intor raginio makatutun kau boo ra kasagaan ri Aki Kapuuno', ioginio, atan ondo' moonsoi, ondo' mampakaansuk Riso am poyo ondo' matanda'.

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

IBRANI 8:11

Kalo pana boo mangila' ilo ra bansa' nilo galama' kapoam pabukat nilai no ra ‘Ulig no ra Tuhan ’. Sabap ra ilo ngai', intor ra ulun musikin suku' ra langkaya', makaulig niayuk Raki'.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

KOLOSI 1:22

Kaa' raino, ralalom pinatayan ru Anak Nano, i Aki Kapuuno' nopobonsoi ramuyun saguli' Riso. Ginio noyo ralan ra akau maapu No koson ra ulun ondo' mapasau guang, kolondo' kasalaan am ondo' motopot.

GALATIA 5:24

Am ondo' maamaya' ri Kristus Jisus, koson nasalip nilo noyo guang malaat nilai mabaya' ra ngaangai' ru kasagaan am ondo' gogoton ru guang.

GALATIA 1:4

Maya' ra kasagaan ri Aki Kapuuno', Ama' takau, nampataak i Kristus ra painawo Nano. Iniru' No tula takau koson mamayag ritakau intor ra kalaatan ondo' manguasa' ra raino ti.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.

2 KORINTUS 1:12

Maringkuanang akai toojo sabap ra bolos ru guang mai maminson ramon ra kiralan ru kaayagan mai ra tana' ti, mulu' poyo pabukatan mai ti ramuyun, masalok mabanis am matanda'. Ginio mabaal mai ralalom ru kuasa' ri Aki Kapuuno' am asi' Nano galama', am sala' ka mansail ra kapintaran ru ulun.

ROMA 8:13

Sabap ra, amon ru maayag kau maya' ra paliso ru ulun, maaru' matoi kau. Kaa' amon ru ralalom ru indangan ru Ambiluo ri Aki Kapuuno' langgain min baal ra makatula, maayag kau.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

RINALATAN 24:16

Ginio boo ra masalok aku mangkinam ra tumanda' ayuk guang kuno ri Aki Kapuuno' am ngaangai' ulun.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

IPISUS 1:4

Io kalo poyo nabingkal tana' ti, pinili' takano kalalair ri Aki Kapuuno' ralalom ri Jisus Kristus. Maa' raginio mapasau takau ra pagilangan Nano am kolondo' boo makapanguu' ritakau.

JUANIS 14:30

Kalo boo masuang raguon Kutu ramuyun, sabap ra nasuku' noyo paat ra io ondo' manguasa' ra tana' ti matong. Kaa' kalo makapanguasa' io Raki'.

JUANIS 6:25

Katuum ru ulun masuang no i Jisus giu' ra sandaup i, pangkuot ilo Riso, “Mangingila', sanggilan Kou pakasuku' ragiti?”

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

MAZMUR 105:45

maa' raginio ulun Nano gumagaya' ra ukum Nano, am mambaal ra ngaangai' panusuban Nano. Omporo' noyo Tuhan!

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

MATIUS 12:32

Osoi ayuk magasab ra Anak ru Ulun, maalap ra ampun. Kaa' osoi ayuk magasab ra Ambiluo ri Aki Kapuuno' kalo maalap ra ampun, paat ra raino kapoam Orou Pupus no!”

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.