TITUS 1:9 - Tanou Moonsoi Timugon

⁹ Io ti poyo musiti' mangintopot toojo ra bala' ondo' malansanan am ondo' naila' noyo riso. Maa' raginio makapangikang io ra guang ru ulun bokon-bokon no mimaya' ra pangilaan motopot am poyo makapampainono' ra kasalaan ru ulun-ulun ondo' manggal no.

TITUS 1:9 ပူးပေါင်းရင်းမြစ်များ

AYUP 2:3

Indagu Tuhan, “Inurio mu kia i Ayup, ulun ondo' nangandoi ayuk Raki'? Giti ra titikop ru tana' ti kolondo' ulun ondo' totopot gumagaya' am moonsoi koson riso. Sumambayang io Raki' am ilalain no toojo maa' raginio kalo mambaal ra malaat. Nanusuk kou Raki' maa' raginio mangiou rirun mampajamar riso ra kolondo' sasaban, kaa' lakat poyo gumagaya' i Ayup Raki'.”

AYUP 27:6

Kalo langgain ku mindagu ra motopot aku; guang kuno kalo mononsol raki'.

AMSAL 23:23

Pangilaan ra motopot, mapintar, ubason, am pangaratian – ngaangai' no sotopot no balion kaa' mologo toojo ra talanon.

RINALATAN 18:28

Mapintar io toojo manggal ra ulun ru Jaudi ralalom pantataaman ra saang ru ulun masuang. Mampaintopot io risilo intor ra ragu ru Buuk Kitab ra i Jisus ti noyo Mamamayag ondo' sinusub i.

1 KORINTUS 14:24

Kaa' amon ru ngaangai' min mampasaboi ra bala' intor ri Aki Kapuuno', am ratong boo sangulun ra bokon kapoam ulun ondo' sala' ka Kristian, ondo' pinabala' mino niayuk ngaangai' mampakito ra tula ru ulun no am mapatutun riso ra tula nano.

1 TISALONIKA 5:21

Ngaangai' ru atan ayuk baal ilain min galing, am ondo' moonsoi no ginio suguton min.

2 TISALONIKA 2:15

Ginio sabap ra, pabukat kau ngai', pirot kano pangintopot am suguto' noyo pangilaan maili ramuyun, iou pana ondo' rinagu kapoam tinulisan mai ra surat.

1 TIMOTIUS 1:10

Am niayuk ulun mansawa' am lumapau, ulun homoseksual, ilo ondo' mantakou ra ulun, ulun ra maabau-abau, sasi' ra kalo motopot am poyo osoi ayuk ondo' manggal ra pangilaan motopot,

1 TIMOTIUS 1:15

Motopot ragu ragitio koson maapu am maintopot toojo ra, “I Jisus Kristus minatong ra tana' ti minongoi pamayag ra ulun makatula.” Am aku ti noyo maayo kaga' tula intor ra ngaangai' ulun.

1 TIMOTIUS 1:19

Guuto' noyo toojo pangintapatan ra motopot no am bayaa' ayuk bolos ru guang muno ondo' mapasau. Mokoondo' kukula' ngaulun kalo nangkirongog ra bolos ru guang nilo, saboi napuso boo pangintapatan nilo.

1 TIMOTIUS 4:9

Motopot ragu raginio koson maapu am maintopot toojo.

1 TIMOTIUS 6:3

Osoi ayuk mangila' ra pangilaan ra bokon am kalo mangiou ra pangilaan motopot intor ra Tuhan takau i Jisus Kristus kapoam pangilaan ru ugama takau,

2 TIMOTIUS 1:13

Guuto' noyo pangilaan motopot ondo' inila' kuli rirun koson alapon mu ra tiluan. Pasingkotogo' noyo pangintapatan am togom ondo' intor ra pasimpungan takau ri Jisus Kristus i.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

2 TIMOTIUS 3:14

Kaa' okou Timotius, guuto' noyo toojo atan ondo' inila' i noyo rirun am ondo' inintopot muno. Nakaintutun kou no ra osoi nangila' rirun i

2 TIMOTIUS 4:3

Sabap ra masuku' paat nano ra kalo boo masaga' ulun mangapu ra pangilaan motopot. Kaa' sotopot no maya' ilo boo ra kasagaan ru guang nilo galama' am mampalulur ilo boo ra masuang mangingila' ondo' masaga' mangila' ra atan ondo' sumangut ra guang nilai.

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

TITUS 2:1

Kaa' okou Titus, musiti' kou mangila' ayuk ondo' mimpuun ra pangilaan motopot.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.

PINAINTALANG 2:25

Kaa' guuto' min noyo pangintapatan mino Raki' saboi ra Aku matong.

PINAINTALANG 3:11

Kalo boo mabuoi am matong Aku! Alungi' noyo ondo' soroi poyo ramuyun no, maa' raginio kalo matakou ru ulun bokon ampos ru kamanangan mino.

PINAINTALANG 3:3

Karaa' atan ondo' inila' ra galing i ramuyun am atan ondo' rinongog min. Gagayaa' noyo gitio am talikur no intor ra tula mino. Amon ru kalo kumarat kau, matong Aku ramuyun koson ra mantatakou no am kalo mapandayan min sanggilan ratangan Kuno.