TITUS 1:8 - Tanou Moonsoi Timugon

⁸ Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

TITUS 1:8 ပူးပေါင်းရင်းမြစ်များ

1 RAJA'-RAJA' 5:1

Raja' Giram intor ra Tirus magail rumangan ra Raja' Daut. Ginio ra paat Raja' Giram nokorongog ra Raja' Salomo namarinta minalit ra Raja' Daut ama' nano, nanusub io ra sangulun duta mongoi ra Raja' Salomo.

1 RAJA'-RAJA' 5:7

Naansukan kaga' Raja' Giram nangapu ra bilin ru Raja' Salomo no. Kono, “Koompor noyo Tuhan ra orou raiti', sabap ra nanaak Io ra sangulun anak ungkuyon ondo' mapintar kaga' ra Raja' Daut koson malit riso mamarinta ra bansa' ondo' maayo no!”

MAZMUR 16:3

Mapara' bobonsoi ru ulun ondo' mampagagaya' ri Aki Kapuuno'! Gumogot aku toojo mababaya' risilo.

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

LUKAS 2:25

Paat ragili giu' ra bandar Jirusalim mokoondo' sangulun ungkuyon, makainggalan ri Simion. Io sangulun motopot ondo' gumagaya' ri Aki Kapuuno' am maginaa ra pamayagan ru Israil. Kinuasa'

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 4:12

Pai' polosoo' osoi ayuk mataman ra pangilaan muno ra lakat kou poyo mamulok. Kaa' sauk no ra tiluan ru ulun Kristian ralalom ru sunur, paliso, togom, pangintapatan am kapasawan ru guang muno.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.

2 TIMOTIUS 3:3

Kalo motogom kapoam mangampun ilo ra ulun bokon am masaga' ayuk manimbaal ra ragu. Am poyo mataki' ilo malasu' guang, malaat ilo am masisang poyo ra kaansayan.

TITUS 2:7

Ralalom ngaangai' baal okou musiti' masauk ra tiluan moonsoi toojo am pangilaan muno pana musiti' mabanis am mapirot.

1 JUANIS 3:14

Nakapandai takau no ra iniruanan takau noyo kapatayan am minanding takau no ra kaayagan mantilayun. Napandayan takau gitio sabap ra motogom takau ra rondo' am bokon. Osoi ayuk kalo motogom, io no lakat ayuk poyo inonggom ru kapatayan.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.

1 SAMUIL 18:1

Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.