TITUS 1:6 - Tanou Moonsoi Timugon

⁶ Sangulun tingganai no musiti' kolondo' sala; musiti' sangulun ayuk andu' nano, am anak-anak nano pana musiti' mangintopot ri Kristus am kalo niayuk kauligan ilo ra maanggal-anggal kapoam mailo balain.

TITUS 1:6 ပူးပေါင်းရင်းမြစ်များ

1 TIMOTIUS 3:12

Sangulun mangingindangan musiti' sangulun ayuk andu' nano am makapagalung ra sasambaloi nano.

TITUS 1:10

Ginio maaru' baalon no sabap ra mokoondo' masuang ulun ondo' masaga' ayuk manggal am ragu nilai pana kolondo' onong; mulu' poyo ulun ru Jaudi ondo' nangintopot ri Kristus.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

YEHEZKIEL 44:22

Sasangulun imam kalo iowon magandu' ra ruandu' ondo' inali noyo. Sasangulun imam iowon ayuk magandu' ra ralaa ru Israil, kapoam ruandu' napuor inandu' ru imam.

IMAMAT 21:7

Sangulun imam kalo iowon maguot ra ruandu' mantalan ra inan, kapoam ruandu' ondo' kalo boo ralaa, kapoam ruandu' ra inali noyo, sabap ra patimpokon noyo imam Raki'.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

LUKAS 1:5

Paat ra i Irodis raja' ru Judia, mokoondo' sangulun imam Jaudi makainggalan ri Jakaria. Io sangulun papag ru imam Jaudi, tayar ru Abia. Inggalan ru andu' nano am i Ilisabit, am niayuk papag ru imam.

AMSAL 28:7

Ulun mamulok ondo' gumagaya' ra ukum io no mapintar. Ulun makimangkubayau ra mangangandus mapakauyu' ra ama' nano.

1 SAMUIL 2:22

I Ili ti matutuo noyo kaga'. Masalok io mokorongog ra ragu intor ra binaal ru anak-anak nano ra ulun ru Israil. Nakapandai niayuk i Ili ra ilo riminulug ra ruandu'-ruandu' ondo' mangandoi giu' ra kulobon ru Kim ru Tuhan.

1 SAMUIL 2:11

Kopongo raginio minuli' i Ilkana ra baloi nano giu' ra Rama, kaa' i Samuil, anak no minayan giu' ra Silo am mangandoi ayuk ra Tuhan inalungan ru Imam Ili.

IMAMAT 21:14

Kalo paguoton io ra sangulun napuor, kapoam ruandu' ondo' inali noyo, kapoam ruandu' ondo' ragili mantalan ra inan. Paguoton io ayuk ra sangulun ruandu' ondo' lakat poyo ralaa intor ra bansa' nano galama'.

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

MALIAKI 2:15

Sala' ka kia i Aki Kapuuno' nampasauk rirun rondo' inan am rondo' saliguor ra ruandu' no? Atan kia arati' ri Aki Kapuuno' ra baal raginio? Arati' Nano ioginio maa' raginio makaalap kou ra anak ondo' totopot ulun ri Aki Kapuuno'. Ginio ra, tutuno' noyo maa' raginio kolondo' ulun ra gino ngai' min ondo' liminungkang ra bantu' ra andu' nano.

1 TIMOTIUS 1:9

Karaa' takau boo ra ukum ti pai' ru pinataak koson mampatanda' ra ulun moonsoi, kaa' ulun mangalaat ondo' manggal ra ukum, ioginio ondo' makatula, ondo' tumalikur am kalo mangurumat ri Aki Kapuuno', am poyo ulun ondo' mamatoi ra matuo nilai, kapoam mamamatoi ra bokon.