TITUS 1:5 - Tanou Moonsoi Timugon

⁵ Gitio noyo ra aku nanatang rirun ra Krita, maa' raginio mokopongo kou ra kandoi ondo' kalo poyo nopongo tali am mampasauk ra tingganai ru pasimpungan ulun Kristian ra tukir-tukir pamagunan ra giu'. Karaa' noyo nambilinan kuli rirun:

TITUS 1:5 ပူးပေါင်းရင်းမြစ်များ

1 TUNUNG RU BANSA' ISRAIL 6:32

Mampapalit ilo mangandoi giu' ra Kim ru Tuhan paat ra Raja' Salomo kalo poyo nambaal ra Baloi ru Tuhan.

MAMPATANOU 12:9

Kaa' i Ulun Mangkara' i mapintar; ginio ra nagulayun io nangila' ra ulun ra baal ondo' napandayan no. Tinutun no amsal am kininaman no katapatan nano.

JISAYA 44:7

Osoi kia makapambaal ra atan ondo' binaal Kuno? Osoi kia makapanala' ra atan poyo masauk intor ra talimpuun saboi mapupus orou?

IMAMAT 14:42

Musiti' batu-batu ondo' baguon pakayon koson pamalit ra batu-batu ondo' pinatiran noyo. Musiti' titikop ru rinding batu no angkupin ra simin baguon.

RINALATAN 11:30

Kopongo ilo ayuk nangani' ra indanganan nilo, susubo' nilo i Barnabas am i Saulus mongoi pangator ra ruit i ra tingganai ru pasimpungan ulun Kristian ra giu' i.

RINALATAN 14:23

Inaru' i Paulus am i Barnabas ra magagalung ra moonong pasimpungan ulun Kristian. Ginio ra nakiasi' am nampali ilo, am nampataak risilo ra alungin ru Tuhan ondo' inintopot nilo.

RINALATAN 2:11

iou pana ulun ru Jaudi am niayuk ulun bansa' ra bokon ondo' siminubol noyo ra ugama Jaudi; am poyo mokoondo' minatong intor ra pulu' Krita am pagun Arab. Itakau ngaangai' makaining risilo mindagu ra ragu takau sigagama' intor ra baal kaimuagan ondo' sinauk ri Aki Kapuuno'!”

RINALATAN 27:12

Sotopot no kalo moonsoi muog ra intok raginio amon ru musim masimu'. Ginio ra kasuangan ru mangngandoi ra kapal no mangiou ra marayus ayuk masundoi am kuminam sumuku' ra Piniks am muog ra giu' i saboi musim masimu' ti makai'. Piniks ti rondo' raralan ru kapal ra pulu' Krita ondo' tumuma' ra kait am pamiris ru kalasaan.

RINALATAN 27:13

Kalo boo nabuoi ragili am ratong bagiu' siob-siob intor ra rabugus. Ginio ra pangkaraan nilai ra moonsoi niayuk ru masundoi noyo. Ginio boo posokoyo' nilo simbagat ru kapal i am pasundoi boo pansusug ra nagas ru pulu' Krita.

RINALATAN 27:21

Nabuoi noyo kalo nangakan ulun-ulun no, bigor boo i Paulus ra tatanga' nilai am indagu, “Pabukat kau ngaangai'! Amon ru giminagaya' kau ayuk ra ragu kuli ra kalo masundoi intor ra Krita, kalo lair maluusan am malunsayan takau koson ragitio.

RINALATAN 27:7

Kaa' kukula' ngoorou maginut ayuk ugar ru kapal sinakayan maili sabap ra inayat ru bagiu' i. Pupus nali maar akai no makasuku' ra bandar Knidus. Sabap ra lakat ayuk poyo mapuor bagiu' i, kalo niayuk nakarayus akai. Intor raginio, pantabas akai ayuk boo mongoi ra rabugus ru pulu' Krita, mansail ra Tanjung Salmoni, koson kalo matiu' ra bagiu' no.

1 KORINTUS 11:34

Osoi maitilan, musiti' io mangakan galing giu' ra baloi, maa' raginio kalo ukumin kau ri Aki Kapuuno' sabap ra pasimpungan mino. Ondo' kapaganan ra bokon, balain takamin ayuk paat ra aku sumaguli' poyo ramuyun.

1 KORINTUS 14:40

Kaa' ngaangai' no musiti' paugaron ra moonsoi am matanda'.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

KOLOSI 2:5

Sabap ra kabalu' pana maalur kau ra mato kuno, kaa' mamaar kau ayuk ra guang kuno, am maringkuanang aku toojo magilong ra akau toojo mogogondo' guang am maikang pangintapatan mino ri Kristus.

1 TIMOTIUS 1:3

Masaga' aku ra sumoroi kou ayuk giu' ra Ipisus koson ra naminsanan kuno rirun noyo paat ra aku minongoi ra Makidonia. Sabap ra giu' ra Ipisus mokoondo' kukula' ngaulun mangila' ondo' kalo motopot, am musiti' palanggain mu gitio risilo.

2 TIMOTIUS 2:2

Pangilaan kuli ondo' naining mu noyo ra saang ru masuang sasi', ilaan mu gitio ra ulun ondo' malansanan am ondo' matasik mangila' poyo ra bokon.

TITUS 1:12

Nakaili' niayuk sangulun nabi nilo galama' minindagu ra: “Ulun ru Krita masalok maabau-abau, malaat ilo kaga' koson ra bibiag masigo, moroot kaga' am mangatiar toojo.”