TITUS 1:4 - Tanou Moonsoi Timugon

⁴ Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

TITUS 1:4 ပူးပေါင်းရင်းမြစ်များ

LUKAS 2:11

Orou raiti' sangulun Mamamayag inanak noyo ramuyun giu' ra pekan ru raja' Daut. Io no i Kristus, ioginio Tuhan.

JUANIS 4:42

Indagu ilo ra ruandu' i, “Raino mangintopot akai, kaa' sala' ka sabap ra bala' muli ayuk, kaa' akai galama' noyo nangkirongog Riso. Am mangintopot akai ra Io no totopot Mamamayag ra ulun ru tana' ti.”

ROMA 1:12

Arati' kuno ragitio, pagikangon takau rondo' am bokon ru pangintapatan takau ri Jisus.

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

2 KORINTUS 12:18

Pinoongoi ku tupo i Titus ramuyun, am sinusub ku poyo pabukat Kristian ra bokon mabaya' riso. Nangingkaut kia i Titus ramuyun? Maaru' kalo, sabap ra rondo' guang mai ri Titus am mogondo' niayuk ralan mai mangandoi.

2 KORINTUS 2:13

Kaa' guang ku nagalabo toojo, sabap ra kalio natuum ku i Titus, pabukat takau ra Kristian. Ginio ra tatango' ku ulun-ulun Troas koson manunggul ra pangkiralanan ku ra pagun Makidonia.

2 KORINTUS 4:13

Tinulisan noyo ra Buuk Kitab, “Mindagu aku sabap ra mangintopot aku ri Aki Kapuuno'.” Akai pana makapangintapatan koson raginio, ginio nai ra akai makaindagu.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

2 KORINTUS 8:23

I Titus ti noyo rangan kuno mangandoi mangindangan ramuyun. Karuo-ruo ngaulun i poyo ondo' mamarangan riso, sinusub ilo ru pasimpungan ulun Kristian ragiti am mumbaya' risilo i Kristus urumaton.

2 KORINTUS 8:6

Ginio sabap ra akai nanusub ri Titus ondo' nanalimpuun ra pangindanganan ti, koson manunggul am mangindangan io ramuyun momongo ra kandoi moonsoi ti.

GALATIA 2:3

Kaa' i Titus pana, rangan kuno ondo' ulun ru Junani, kalo niayuk jinajalan nilo sunatin,

GALATIA 3:26

Sabap ra mangintopot kau ri Kristus Jisus, nasauk kau ngaangai' ra anak ri Aki Kapuuno'.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

IPISUS 1:2

Gama' ru i Aki Kapuuno', Ama' takau, am niayuk Tuhan Jisus Kristus, manaak ramuyun ra barakat am pabansayan.

KOLOSI 1:2

Gitio posoboyon ku ra ulun ri Aki Kapuuno' ondo' masisimpung ri Kristus giu' ra bandar Kolosi. Gama' ru i Aki Kapuuno', Ama' takau, manaak ramuyun ra barakat am pabansayan.

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,

2 TIMOTIUS 1:1

Aku i Paulus ondo' sinauk ri Aki Kapuuno' ra sangulun rasul ri Jisus Kristus, koson mampatanou ra kaayagan ondo' binantu' ri Aki Kapuuno', ioginio pasimpungan takau ri Jisus Kristus.

2 TIMOTIUS 1:2

Timotius, ondo' tagamin kuno: Gama' ru i Aki Kapuuno', Ama' takau am i Jisus Kristus, Tuhan takau manaak rirun ra barakat, asi' am pabansayan.

2 TIMOTIUS 4:10

sabap ra nanatang noyo i Dimas raki' sabap ra nampakaatang io ra kaayagan ru tana' ti. Minongoi io noyo ra bandar Tisalonika. I Kriskis pana minongoi noyo giu' ra libung Galatia am i Titus poyo minongoi giu' ra libung Dalmatia.

TITUS 1:3

Paat ra inaru' i, pinaintalang ri Aki Kapuuno' ra bala' Nano ralalom ru Tanou Moonsoi ti. Pampatanawan ragitio noyo pinalansan raki' am posoboyon ku noyo maya' ra susuban ri Aki Kapuuno', Mamamayag takau.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

2 PITRUS 1:11

Koson raginio noyo ra iowon kau niayuk mumpos ra suruga', ioginio pamarintaan ru Tuhan am Mamamayag takau, i Jisus Kristus.

2 PITRUS 2:20

Ulun ondo' nakaulig noyo ri Jisus Kristus, Tuhan am Mamamayag takau, kalo boo kuasaan ilo ru kalaatan ru tana' ti ondo' mampajamol ra kaayagan ru ulun. Kaa' amon ru sumaguli' ilo ra kalaatan nilai, saboi kalaan ilo ru kuasa' malaat no, pupus no lumaat poyo kaayagan nilo intor ra talimpuun i.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

1 JUANIS 5:14

Makakau' takau muma' ri Aki Kapuuno', sabap ra mangintopot takau ra rongogon No pakiasian takau amon ru makiasi' maya' ra kasagaan Nano.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.