TITUS 1:3 - Tanou Moonsoi Timugon

³ Paat ra inaru' i, pinaintalang ri Aki Kapuuno' ra bala' Nano ralalom ru Tanou Moonsoi ti. Pampatanawan ragitio noyo pinalansan raki' am posoboyon ku noyo maya' ra susuban ri Aki Kapuuno', Mamamayag takau.

TITUS 1:3 ပူးပေါင်းရင်းမြစ်များ

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 45:15

Namayag i Aki Kapuuno' ra ulun ru Israil ioginio i Aki Kapuuno' ra nansibuni.

JISAYA 45:21

Pabalaa' atan suang ru guang muno am niayuk inono'-inono' no, iou, polosoo' ilo mansunur. Osoi kia napatanou ra baal raginio am napabala' intor ra galing i? Sala' kia ka Aku, Tuhan? Kolondo' tuhan-tuhan ra bokon, ondo' ak am Aku. Aku noyo i Aki Kapuuno' ondo' matimpok am mamamayag, kolondo' noyo bokon ondo' ak am Aku!

DANIL 11:27

Ruo ngaulun raja' no pana manturung boo am mabaya' mangakan ra rondo' mija', kaa' guangon nilo malaat. Mamparuung ilo ra rondo' am bokon, kaa' kalo makasugut ilo sabap ra kalo poyo nasaboi jam nilo.

DANIL 8:23

Paat ra karatuan ru kaapat-apat pamarintaan no mamaar noyo saboi musiti' ukumin, am kalaatan ra giu' no liminanja', sumalula' boo sangulun raja' ondo' bambalingatan, malaat am mamparuung.

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

MARKUS 1:15

Ragu Nano, “Paat nano naukop noyo; i Aki Kapuuno' tumalimpuun mamarinta. Talikur kano intor ra tula mino am pangintopot kano ra Tanou Moonsoi ti!”

MARKUS 13:10

Tanou Moonsoi ti musiti' pabalaan galing ra ngaangai' bansa'.

MARKUS 16:15

Indagu Io risilo, “Ugar kano ra titikop ru tana' ti, balai' min moonong ulun ra Tanou Moonsoi.

LUKAS 1:47

Maansukan aku kaga' sabap ra i Aki Kapuuno' Mamamayag kuno.

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

RINALATAN 17:26

Intor ra sangulun ayuk nakapambaal Io ra nansalinut bansa' am pinaayan No ilo ra ati ayuk intok ra tana' ti. Intor ra galing i noyo inaru' No niayuk ra atan ayuk masauk risilo am ati ayanan nilo.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

ROMA 5:6

Gili poyo, paat ra itakau kolondo' kaindanganan, nakaintuma' ra inaru' ri Aki Kapuuno', minatoi i Kristus koson mamayag ra ulun makatula.

1 KORINTUS 9:17

Amon ru kondoyon kutu sumugut ra kasagaan kuno galama', maaya' aku niayuk makitaak ra ampos. Kaa' aku mampasaboi ra Tanou Moonsoi no, sabap raginio musiti' baalon kuno, io no kandoi tinaakan ri Aki Kapuuno' raki'.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

IPISUS 1:10

Gitio noyo inatang ri Aki Kapuuno' am pongoonon nano paat ra inaru' Nano, koson ralalom ri Kristus ngaangai' simpungon No rondo', ioginio giu' ra suruga' kapoam giti ra tana' ti, am i Kristus noyo masauk ra tingganai no.

IPISUS 2:17

Ginio boo i Kristus minatong am pampasaboi ra Tanou Moonsoi ondo' magibit ra pabansayan ra ngaangai' ulun; ioginio akau ulun sala' ka Jaudi, ondo' gili maalur intor ri Aki Kapuuno', am niayuk ra ulun ru Jaudi, ondo' gili mamaar ri Aki Kapuuno'.

PILIPI 1:13

Intor ra baal raginii, ngaangai' saujor ru istana no am ulun-ulun ru bandar ti pana nakapandai ra inaput aku sabap ra kandoi kuno ri Kristus.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

1 TISALONIKA 2:4

Kaa' sotopot no, pai' ru mampakaansuk akai ra guang ru ulun kaa' guang ri Aki Kapuuno', ondo' mangkinam ra guang mai. Io no ondo' nampasauk ramon koson maaya' akai mampasaboi ra Tanou Moonsoi no.

1 TIMOTIUS 1:1

Aku i Paulus, sangulun rasul ri Jisus Kristus maya' ra susuban ri Aki Kapuuno', Mamamayag takau, am ri Jisus Kristus ondo' kalansanan takau.

1 TIMOTIUS 1:11

ioginio ondo' gumagaya' Tanou Moonsoi intor ri Aki Kapuuno' ondo' matulai am omporon. Tanou ragitio noyo ondo' patanawin raki'.

1 TIMOTIUS 2:3

Ginio noyo ondo' moonsoi am mampakatasu' ri Aki Kapuuno', Mamamayag takau,

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

TITUS 2:10

Kalo noyo manggal kapoam mantakou intor risilo. Kaa' sotopot no, musiti' ilo mabanis guang am mampagagaya'. Maa' raginio, ralalom ru ngaangai' baalon nilo, pangilaan ri Aki Kapuuno', Mamamayag takau, omporon ru ulun.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

PINAINTALANG 14:16

Io ondo' nanturung boo ra rasawat ru gaun no ukumin no ulun ru tana' ti, mogondo' ra bilor tantabon ra tantab.