TINGGANAI RU BANSA' 9:6 - Tanou Moonsoi Timugon

⁶ Timung boo mamagun ru Sikgim am Bit-Milo. Minongoi ilo ra saau ru puun oak, iono puun karamat giu' ra Sikgim, am napasauk ri Abimilik ra raja'.

TINGGANAI RU BANSA' 9:6 ပူးပေါင်းရင်းမြစ်များ

2 SAMUIL 5:9

Kopongo Raja' Daut nampagaau ra kubu Sion, minayan io ra giu' no am ininggalanan no ra “Bandar Daut”. Nambaal io ra bandar giu' ra liput ru kubu no, inintaran ra tampilon ru sirangon ru bulur ondo' pinumpunan ra tana'.

2 RAJA'-RAJA' 12:20

Pagawai-pagawai ru Raja' Joas naguguum manggal riso. Ruo ngaulun intor risilo, iono i Jojakar anak ri Simiat am i anak ri Somir, namatoi ra Raja' Joas giu' ra baloi ondo' binaal ra rasawat ru namumpunan ra tana' giu' ra tampilon sirangon ru Jirusalim, iono giu' ra ralan mongoi ra bandar Sila. Raja' Joas linobong giu' ra kalabangan ru raja' giu' ra Bandar Daut, am i Amajia, anak ungkuyon nano minalit riso koson raja'.

1 RAJA'-RAJA' 12:25

Raja' Jirobiam, raja' ru Israil, nambaal saguli' ra bandar Sikgim giu' ra kabuluran Ipraim am ayan ra giu' no ra buoi. Kopongo raginio nangiruan io intok raginio, am pambaal ra bandar Pinuil.

1 RAJA'-RAJA' 12:20

Paat ra ulun ru Israil nokorongog ra minuli' noyo i Jirobiam intor ra Misir, nangkimait ilo riso mongoi ra rondo' pantuuman ru mamagun, am nampalantik riso masauk ra raja' ru Israil. Bansa' ru Jiuda ayuk ondo' gumagaya' ra papag ru Raja' Daut.

1 RAJA'-RAJA' 12:1

I Rigabiam minongoi ra Sikgim, sabap ra ngaangai' ru bansa' giu' ra tampilon ralayo natitimung ra giu' no koson mampalantik riso masauk ra raja'.

JOSUA 24:26

I Josua nanulis ra susuban-susuban no ralalom ru Kitab ru Ukum ri Aki Kapuuno'. I Josua pana nangalap boo ra rondo' batu ondo' maayo am pinotolorog no ragana' ru puun oak giu' ra intok ondo' patimpokon ra Tuhan.

TINGGANAI RU BANSA' 9:5

Kopongo raginio minongoi io ra baloi ru ama' nano giu' ra Opra. Giu' no, ra rasawat ru rondo' batu namatoi io ra tulu' ngoopor ngaulun anak ungkuyon ri Gidion, pabukat-pabukat nano. Kaa' i Jotam, anak ungkuyon ra pupusan ri Gidion, nansibuni saboi kalo napatoi.

TINGGANAI RU BANSA' 9:7

Pokorongog i Jotam ra baal raginio, bigor io ra tampak ru Gunung Girijim am golok risilo, “Rongogo' ragu kutu, akau ngai' mamagun ru Sikgim, maa' raginio rumongog niayuk i Aki Kapuuno' ramuyun!