TINGGANAI RU BANSA' 8:5 - Tanou Moonsoi Timugon

⁵ Ilo pana nakasaboi giu' ra Sukot. Giu' no indagu i Gidion ra mamagun ru bandar Sukot, “Anii' ulun-ulun kuno ra sanganu akanon. Naagui ilo kaga', am lakat poyo mangilou akai ri Jiba am i Salmuna, raja'-raja' ru Midian.”

TINGGANAI RU BANSA' 8:5 ပူးပေါင်းရင်းမြစ်များ

KASAUKAN 33:17

Kaa' ongoi i Jakub ra Sukot am panambaloi io ra giu' i am pambaal ra sisindungan ru biniag nano. Ginio ra intok no ininggalanan ra Sukot.

MAZMUR 60:6

Napakara' Kou ra ulun ondo' mangurumat Rirun, maa' raginio makalabus intor ra imbolo'.

1 SAMUIL 25:18

Nataki' i Abigail nangalap ra 200 ruti', ruo ngakantungan ru kungkung ondo' napanu' ra wain, limo ngainan domba pinanggang, 17 ngakilogram unor-unor ondo' sininggala', 100 ngantiis kismis am 200 kuui ara. Pinasakoi no ngaangai' no ra kukula' ngainan kaladai.

SAGULION 23:4

Kalo masaga' ilo mangani' ramuyun ra akanon am timug paat pangkiralanan min miningkual intor ra Misir. Nambayar ilo ri Biliam anak ri Bior, intor ra bandar Pitor giu' ra Misopotamia, koson nagulas ramuyun.

KASAUKAN 14:18

Raja' Milkisidik raja' ru Salim am niayuk imam ri Aki Kapuuno' Ondo' Masawat Kaga' no, nagibit ra ruti' am wain koson pataakon ri Abram.

TINGGANAI RU BANSA' 8:10

Paat raginio, soroi i Jiba am i Salmuna giu' ra Karkor am ngaangai' saujor nilo. Intor ra ngaangai' ru saujor ru ulun ru tana' kaagisan no, olo'-olo' 15,000 ngaulun ayuk lakat poyo soroi; 120,000 ngaulun pinatoi noyo.

TINGGANAI RU BANSA' 8:12

I Jiba am i Salmuna, ruo ngaulun raja' ru Midian no nagiru'. Kaa' inilou am rinakop ilo ri Gidion, saboi nalaa' ngaangai' saujor ru pantula'.

TINGGANAI RU BANSA' 8:15

Kopongo raginio ongoi i Gidion ra tingganai-tingganai no am indagu, “Nakara' min kia ra kalo masaga' kau mangindangan raki' ragili? Kalo masaga' kau manaak ra akanon ra saujor-saujor kuno ondo' naagui, sabap ra minindagu kau raki' ra kalo poyo narakop ku i Jiba am i Salmuna. No', gitio noyo ilo!”

TINGGANAI RU BANSA' 5:23

“Kaulas noyo Miros,” ragu ru malaikat ru Tuhan, “Kaulas noyo, kaulas noyo mamagun ra giu'. Kalo matong ilo mangindangan koson ra tutumula' ondo' mangayou tayar ru Tuhan.”