TINGGANAI RU BANSA' 8:4 - Tanou Moonsoi Timugon

⁴ Paat raginio nababaya' i Gidion ra talu ngaatus ra ulun nano nakasaboi ra Sungoi Jordan am liminaup. Naagui ilo kaga', kaa' lakat poyo rinayus nilo nangilou ra pantula'.

TINGGANAI RU BANSA' 8:4 ပူးပေါင်းရင်းမြစ်များ

GALATIA 6:9

Ginio ra, pai' takano kajala' mambaal ra ondo' moonsoi. Sabap ra amon ru kalo malawo guang takau, masuku' niayuk paat ra itakau mangkumos ra ampos nano.

2 KORINTUS 4:16

Ginio sabap ra akai kalo malawo guang. Kabalu' pana inan maiti mapuso, kaa' guang mai talimbaguin ra moonong orou.

1 SAMUIL 30:10

Nabaya' i Daut am apat ngaatus ngaulun ulun nano naparayus ra pangkiralanan. Ruo ngaatus ngaulun ra bokon no naagui kaga' koson sumandaup ra sungoi, am uog ilo boo ra giu' no.

TINGGANAI RU BANSA' 7:25

Rinakop nilo ruo ngaulun panguasa' ru Midian, iono i Orib am i Jiib. Namatoi ilo ri Orib giu' ra Batu Orib, am namatoi ri Jiib giu' ra intok pamagaan ra anggur giu' ra Jiib. Narayus ulun ru Ipraim nangilou ra ulun ru Midian, am nagibit ra ulu ri Orib am i Jiib ri Gidion giu' ra tampilon sirangon ru Sungoi Jordan.

TINGGANAI RU BANSA' 8:3

Ra kuasa' ri Aki Kapuuno' namatoi kau noyo ruo ngaulun panguasa' ru Midian no, i Orib am i Jiib. Atan binaal moonsoi kuno amon ru pinogondo' ra binaal mino!” Kopongo rinagu ri Gidion ginio, kalo boo siminangit ilo.

1 SAMUIL 30:8

Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”