TINGGANAI RU BANSA' 7:8 - Tanou Moonsoi Timugon

⁸ Ginio ra nanusub i Gidion ra ngaangai' ulun ru Israil ra bokon no minuli', ondo' ayuk am talu ngaatus ngaulun no. Ngaangai' linutu' am bujung inalap intor risilo ondo' minuli'. Paat ragili nangkim ulun ru Midian giu' ra pipit, ragana' ru intok nangkiman ru Israil.

TINGGANAI RU BANSA' 7:8 ပူးပေါင်းရင်းမြစ်များ

1 KORINTUS 15:52

Koson ra sangkuliop ayuk, paat ra bujung ra pupus no samputin, ulun namagatoi bayagon saguli' mabaya' ra inan mantilayun, am itakau ti pana kulawon.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

TINGGANAI RU BANSA' 6:33

Kopongo raginio ngaangai' ulun ru Midian, ulun ru Amalik am bansa'-bansa' ra bokon timinimung giu' ra tana' kaagisan. Liminaup ilo ra Sungoi Jordan am nangkim giu' ra Limayak Jijriil.

TINGGANAI RU BANSA' 3:27

Paat i Igud nakasaboi giu' ra intok kabuluran Ipraim, nanamput io ra bujung koson mampiau ra ulun ru Israil mangayou. Ratong ilo, am naningganai io risilo timinuun intor ra intok kabuluran no.

JOSUA 6:20

Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.

JOSUA 6:4

Tulu' ngaulun imam ondo' sigagama' magibit ra rondo' bujung musiti' mugar giu' ra saang ru Kaban Nabantuan. Paat orou Katulu', okou am saujor-saujor muno musiti' mugar lumiput ra bandar no intulu', liliwa' imam-imam manamput ra bujung.

UNTABAN 10:9

Paat ra akau mangayou giu' ra tana' min koson mangampin ra inan intor ra pantula' ondo' namulunsar ramuyun, samputi' bujung-bujung raginio koson manaak ra pulanu ru pangayawan. Aku Tuhan, i Aki Kapuuno' min, mangindangan am mamayag ramuyun intor ra pantula'.

IMAMAT 25:9

Paat boo ra orou koopor ra sila' katulu', iono Orou Pangampunan ra Tula, susubo' ulun manamput ra bujung ra titikop pagun.

TINGGANAI RU BANSA' 7:7

Indagu boo Tuhan ri Gidion, “Mamayag Aku rirun am manaak rirun ra kamanangan ra ulun ru Midian ra talu ngaatus ngaulun ondo' mantila' ra timug. Susubo' noyo ngaangai' ulun ra bokon no muli'.”

TINGGANAI RU BANSA' 7:9

Paat rondom ragili minindagu Tuhan ri Gidion, “Sukal no! Ongoi noyo bulunsaro' nangkiman ru ulun ru Midian. Manaak Aku rirun ra kamanangan risilo.