TINGGANAI RU BANSA' 7:20 - Tanou Moonsoi Timugon

²⁰ Karuruo pulalai ra bokon no pana nambaal raginio. Kinayang nilo ngaangai' pilasut ra kalindu' ra kait, am bujung ra kalindu' ra pamiris, am golok, “Ilang ti tayar ru Tuhan am tayar ri Gidion!”

TINGGANAI RU BANSA' 7:20 ပူးပေါင်းရင်းမြစ်များ

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

1 KORINTUS 15:52

Koson ra sangkuliop ayuk, paat ra bujung ra pupus no samputin, ulun namagatoi bayagon saguli' mabaya' ra inan mantilayun, am itakau ti pana kulawon.

JOSUA 6:20

Imam-imam no pana nanamput ra bujung. Kaining ayuk ru saujor-saujor ginio, golok ilo ra mosongou, am napuut timbok ru bandar Jiriko. Ngaangai' pulalai ru saujor pana narayus nagaloi ra bandar no, am namulunsar am nampagaau raginio.

JOSUA 6:16

Paat ra kaintulu', paat imam-imam no nanamput ra bujung, nanusub i Josua ra ulun nano gumolok am indagu io, “Pinataak noyo ru Tuhan bandar ti ramuyun!

JOSUA 6:4

Tulu' ngaulun imam ondo' sigagama' magibit ra rondo' bujung musiti' mugar giu' ra saang ru Kaban Nabantuan. Paat orou Katulu', okou am saujor-saujor muno musiti' mugar lumiput ra bandar no intulu', liliwa' imam-imam manamput ra bujung.

IBRANI 11:4

Sabap ra pangintapatan noyo, i Abil nampataak ri Aki Kapuuno' ra taak simbalui ondo' moonsoi poyo intor ra taak ri Kain. Sabap ra pangintapatan nali iniou io ri Aki Kapuuno' koson sangulun motopot, sabap ra taak nali napabansuk ra guang ri Aki Kapuuno'. Kabalu' pana lair noyo io minatoi, kaa' lakat poyo migigila' takau ra tiluan ru pangintapatan nali.

1 TISALONIKA 4:16

Sabap ra tingganai ru malaikat manusub ra bolos mosongou am bujung ri Aki Kapuuno' samputin, am Tuhan Jisus galama' boo tumuun intor ra suruga' am ulun namagatoi ondo' nangintopot ri Jisus pasiguluon bayago'.

2 PITRUS 1:15

Ginio ra mirot aku toojo mampakara' ramuyun ra pangilaan raginio, kabalu' pana ra aku kalio boo.

TINGGANAI RU BANSA' 7:19

Maar tanga' ru rondom, nakasaboi i Gidion am maatus ngaulun ra ulun nano giu' ra igig ru pangkiman ru pantula'. Paat raginio ulun ondo' nagalung ra pangkiman no bagu ayuk nampalit magalung. Samputi' boo ri Gidion am pulalai nano bujung am namabak ra rarapu' nilo.

TINGGANAI RU BANSA' 7:21

Nagulayun ilo ngaangai' minigor ra intok ru sigagama' giu' ra liput ru pangkiman no. Kopongo raginio ngaangai' pulalai ru saujor ru pantula' nagiru' liliwa' giminolok-golok.

1 SAMUIL 11:11

Suabon no riminondom Raja' Saul nantatayar ra ulun-ulun nano nasauk ra talu ngampulalai. Kopongo raginio, paat ra matatawang, minongoi ilo ra tatanga' ru nangkiman ru ulun ru Amon am namulunsar risilo. Kalo poyo ra tanga' ru orou, kinala noyo pantula' ru saujor-saujor ru Raja' Saul. Ulun ru Amon ondo' kalo minatoi, nantabulias am saboi kolondo' ruo ngaulun ondo' nabaya' ra nagiru'.

JIRIMIA 47:6

Golok kau, ‘Okou ilang ru Tuhan! Saboi sanggilan kia okou mompopot? Saguli' no ra angkap muno, ayan no ra giu' no am tangus no.’