TINGGANAI RU BANSA' 7:2 - Tanou Moonsoi Timugon

² Indagu Tuhan ri Gidion, “Masuang kaga' ulun muno. Kalo masaga' Aku manaak risilo ra kamanangan ra ulun ru Midian. Maaru' mangkara' ilo ra mamanang ilo sabap kaikangan nilo galama', saboi kalo mapatulai Raki'.

TINGGANAI RU BANSA' 7:2 ပူးပေါင်းရင်းမြစ်များ

KASAUKAN 46:2

Paat ra iorondom rondo' intalangan riso, indagu i Aki Kapuuno' riso, “Jakub, Jakub!” Taam io, “Iou, Tuhan.”

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

JISAYA 10:13

Raja' ru Asyur maayo ragu, “Nansalinut binaal kuno intor ra kaikangan kuno galama'. Mapintar aku am mapandai. Pinuso ku balitan ru pagun-pagun am nampagaau ra inula' nilono. Koson ra sanginan sapi' gawayan, kikinjangin ku bansa' ondo' minayan ra giu' no.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JIRIMIA 9:23

Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

YEHEZKIEL 28:17

Malilimbau kou sabap ra bulos muno maindon, am mambaal kou ra sasambungon sabap ra nauligan kou kaga'. Ginio noyo sabap ra pinampasan Tokou ra tana', am nampasauk rirun koson ra pampakaraan ra raja'-raja' ra bokon.

YEHEZKIEL 28:2

“Okou ulun mapandai matoi, posoboyo' atan ondo' paraguon Kuno, Tuhan Raja' ra raja' ru Tirus, ‘Malilimbau kou am mangkara' ra inan muno dewa ondo' nanturung giu' ra tatanga' ru raat. Tumilu kou koson ra dewa, ondo' sotopot no ulun kou ayuk ondo' mapandai matoi!

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

JAKARIA 12:7

“Aku, Tuhan mangani' ra kamanangan ra saujor ru Jiuda galing, maa' raginio katulayan ondo' apuon ru papag ri Daut am mamagun ru Jirusalim kalo makasail ra katulayan ondo' apuon ru mamagun Jiuda ra bokon.

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

UNTABAN 31:4

Moonong bansa' ru Israil musiti' mangator ra saribu ngaulun saujor koson mongoi pangayou.”

ROMA 11:18

Kaa' pai' pagasab risilo ondo' inindaanan noyo koson ra raan no! Pai' kano limbau! Sabap ra akau no raan ayuk. Sala' ka akau no nanambakat ra puun no, kaa' sotopot no bakat no ondo' mampatuu' ramuyun.

ROMA 3:27

Ginio ra kolondo' boo sasaban takau lumimbau. Kua guat koson raginio? Sabap ra itakau gumagaya' ra Ukum ri Musa kia? Kalo, kaa' sabap ra mangintopot takau.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

IPISUS 2:9

Kolondo' sangulun pana lumimbau raginio, sabap ra pai' ru ampos ru kandoi mai ginio.

SAGULION 32:27

Kaa' kalo mokoloso Ku pantula' ra lumimbau, ra ilo noyo ondo' nangala ra ulun Kuno, atika Aku noyo manutuk ra ulun Kuno.’

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”