TINGGANAI RU BANSA' 7:13 - Tanou Moonsoi Timugon

¹³ Pakasaboi i Gidion ra giu' no, norongog no sasangulun tatanga' mantunung ra inupi nano ra sangulun rangan. Indagu ulun no, “Naginupi aku mokoondo' rondo' ruti' barli nakaluluir siminubol ra ralalom ru nangkiman takau. Napajunjung ruti' no ra rondo' kim, am naaba' toojo kim no.”

TINGGANAI RU BANSA' 7:13 ပူးပေါင်းရင်းမြစ်များ

1 KORINTUS 1:27

Siningon ri Aki Kapuuno' nampili' ra ondo' kinara' ra sasambungon ru ulun ru tana' ti, koson mampakauyu' ra ulun-ulun mapintar no. I Aki Kapuuno' niayuk nampili' ra ondo' kinara' ra malawo ru ulun ru tana' ti, koson mampakauyu' ra ulun-ulun maikang no.

TINGGANAI RU BANSA' 6:15

Taam i Gidion, “Kaa' Tuhan atan lair kulaan aku mamayag ra ulun ru Israil? Bansa' kutu ondo' malawo kaga' ra popolos ru bansa' ru Manasi. Mulu' poyo ra aku noyo ondo' kalo maatang kaga' ra sasambaloi kuno.”

TINGGANAI RU BANSA' 4:21

Naagui kaga' i Sisira saboi nokororot io. Nangalap i Jail ra rondo' amar am rondo' paku' makalu. Simininok io boo mininggaar ri Sisira, am ra amar pinapaku' no paku' makalu no ra pusisingo ri Sisira, saboi paku' no nakaujak ra tana'. Koson raginio noyo i Jail namatoi ri Sisira.

TINGGANAI RU BANSA' 4:9

Indagu i Dibora, “Iou, mongoi aku mabaya' rirun, kaa' kalo makaalap kou ra kaurumatan intor ra kamanangan raginio, sabap pataakon ru Tuhan i Sisira ra sangulun ruandu'.” I Dibora pana minugar minongoi ra Kidis nabaya' ri Barak.

TINGGANAI RU BANSA' 3:31

Tingganai ra sumunu' ti iono i Samgar anak ri Anat. Io niayuk nangayou am nampalabus ra ulun ru Israil. Namatoi io ra onom ngaatus ulun ru Palistin ra jujuga' gugunjau ra sapi'.

TINGGANAI RU BANSA' 3:15

Ulun ru Israil pana nampiau nakiindangan ra Tuhan, am nanusub Io ri Igud anak ri Gira koson mampalabus risilo; Igud ti sangulun ondo' kipang, intor ra bansa' ru Binjamin. Nanusub ulun ru Israil ri Igud nangator ra taak upiti ra Raja' Iglon intor ra Moab.

TINGGANAI RU BANSA' 7:12

Ulun ru Midian, ulun ru Amalik am bansa'-bansa' ra bokon intor ra tana' kaagisan, soroi ra ati-ati giu' ra titikop ru pipit no koson ra sampanon ru gapu'. Masuang kaga' unta nilo, koson ra agis giu' ra nagas.

TINGGANAI RU BANSA' 7:14

Taam rangan nano, “Ginio ilang ri Gidion anak ri Joas, ulun ru Israil no. Arati' no nanaak noyo i Aki Kapuuno' riso ra kamanangan ra ulun ru Midian am ngaangai' pulalai ru saujor takau!”

TINGGANAI RU BANSA' 8:10

Paat raginio, soroi i Jiba am i Salmuna giu' ra Karkor am ngaangai' saujor nilo. Intor ra ngaangai' ru saujor ru ulun ru tana' kaagisan no, olo'-olo' 15,000 ngaulun ayuk lakat poyo soroi; 120,000 ngaulun pinatoi noyo.