TINGGANAI RU BANSA' 5:11 - Tanou Moonsoi Timugon

¹¹ Rongogo' noyo! Ulun masuang ra liput ru tulubong Tatanga' mampatanou ra kamanangan ru Tuhan, kamanangan ru ulun ru Israil! Ulun ru Tuhan pana baris tumuun intor ra bandar-bandar nilo.

TINGGANAI RU BANSA' 5:11 ပူးပေါင်းရင်းမြစ်များ

MIKA 6:5

Ulun Ku ngai', karaa' noyo atan inatangan ri Balak, raja' ru Moab no ramuyun, am taam ri Biliam anak ri Bior riso. Karaa' noyo kasaukan-kasaukan ondo' nasauk ralalom pangkiralanan intor ra pangkiman giu' ra Sitim saboi ra Gilgal. Karaa' noyo baal-baal raginio, am akau pana makaliman ra atan ondo' binaal Kuno koson mamayag ramuyun.”

1 SAMUIL 12:7

Raino, pai' kapo ugar. Manguu' aku ramuyun ra saang ru Tuhan am mapakara' ramuyun ra ngaangai' ru binaal maayo ru Tuhan koson mamayag ramuyun am kinamatuaan mini.

TINGGANAI RU BANSA' 5:8

Pangayawan pana nasauk giu' ra ralalom ru pagun paat ra ulun ru Israil tumalimpuun sumamba ra dewa. Kolondo' rondo' pana kinandoi mangayou kinayang ru apat ngoopor ngaribu ngaulun ru Israil.

SULABOI 5:9

Ulun mamatoi jajawot giu' ra liwar bandar, mokololob ra painawo mai paat maguyum ra akanon.

SULABOI 5:4

Nambali akai kalalaat ra timug inumon am luton koson suruin.

JISAYA 28:6

Mangani' Io ra paliso matimpok ra akim-akim, am kinabaani ra ulun ondo' nangampin ra garabang subalan ra bandar intor ra owoyon.

JISAYA 12:3

Ati poyo kulaan ra timug makabansuk ra ulun pinaason, ginio niayuk ra ulun ri Aki Kapuuno' maansukan sabap binayag ri Aki Kapuuno'.”

AYUP 29:7

Paat ra tingganai-tingganai ru bandar mansusunur, manturung aku mababaya' risilo.

SAGULION 22:24

musiti' min ibiton ilo ruo ra liwar ru bandar am bobolon ilo saboi matoi. Ralaa no musiti' ukumin ra matoi sabap ra kalo giminolok io makiindangan kabalu' pana soroi io ralalom ru bandar, am bolos nano maluoi rongogon ru ulun. Ungkuyon no musiti' niayuk ukumin ra matoi sabap narulug io ra sangulun ralaa ondo' nantamung noyo. Koson raginio noyo akau namuso ra kalaatan no.

MAZMUR 145:7

Potonowon nilo nansalinut kinoonsoi Muno, am marimbai koson maansukan ra katimpakan.

KASAUKAN 24:11

Pakasaboi io ra giu' no, powogo' no unta-unta no ra patanguson maar ra makatulubong ra liwar ru bandar. Mamai' noyo orou am paat raginio noyo pansagawan ru ruandu'-ruandu' ra timug intor ra tulubong.

KASAUKAN 29:2

Pulali' no nakakito ra tulubong ra limayak no, am talu ngantimungan domba nagupu' ra kiing no. Tulubong raginio papainuman ru ulun magagalung no ra domba nilo, am tiningkapan tulubong no ra batu maayo.

KASAUKAN 29:3

Makatimung ngaangai' domba no ra intok raginio, luiron ru ulun-ulun magagalung batu pinatingkop no am painumon nilo domba-domba. Mopongo raginio luiron nilo patingkopo' saguli'.

SAGULION 33:21

Mangalap ilo ra tana' ondo' moonsoi kaga' ra tayar nilo galama'. Makaalap ilo ra tayar ru sangulun tingganai. Gumagaya' ilo ra susuban am ukum ru Tuhan, paat ra tingganai-tingganai ru Israil mabaya' tumimung.”

TINGGANAI RU BANSA' 11:40

anak-anak ralaa mugar buoi apat ngoorou ra moonong bilor koson mangiluk guang mangkara' ra anak ruandu' ri Jipta intor ra Giliad.

MAZMUR 71:15

Paraguon ku kaansayan Muno; songorowon ku mapatanou ra pamayagan intor Rirun no, kabalu' pana baal raginio nakasail ra pangaratian kuno.