TINGGANAI RU BANSA' 3:9 - Tanou Moonsoi Timugon

⁹ Ulun ru Israil pana nampiau makiindangan ra Tuhan, am nanusub Io ra sangulun ungkuyon makainggalan ri Otniil anak ri Kinas nampalabus risilo. I Kinas iono boborok ungkuyon ri Kalib.

TINGGANAI RU BANSA' 3:9 ပူးပေါင်းရင်းမြစ်များ

NIGIMIA 9:27

saboi nompoloso Kou ra pantula' nangala am nanguasa' risilo. Paat ra kapaganan, nampiau ilo makiindangan Rirun; intor ra suruga', timinaam Kou risilo. Sabap ra makaasi' Kou nanusub Kou ra tingganai-tingganai, ondo' namayag risilo intor ra pantula'.

MAZMUR 22:5

Okou noyo intopoton ru kinamatuaan maili; mangintopot ilo Rirun am mamayag Kou risilo.

MAZMUR 78:34

Masalok i Aki Kapuuno' mamatoi ra kukula' ngaulun intor risilo, bokon no sumaguli' Riso; pansagulian guang nilo am makiasi' Riso ra sotopot-topot no.

JOSUA 15:17

Otniil anak ri Kinas, iono akon ri Kalib, nakagaau ra bandar no, am pinaanduan ri Kalib anak ruandu' nano, i Aksa ri Otniil.

TINGGANAI RU BANSA' 1:13

I Otniil, anak ru boborok ungkuyon ri Kalib ondo' makainggalan ri Kinas, nakasugut nampagaau ra bandar no. Ginio ra pinagandu' ri Kalib anak ruandu' nano i Aksa am i Otniil.

TINGGANAI RU BANSA' 10:10

Ulun ru Israil pana nampiau ra Tuhan. Konilo, “Makatula akai noyo Rirun, iou Aki Kapuuno', sabap nangiruan akai Rirun am samba ra dewa-dewa Baal.”

TINGGANAI RU BANSA' 2:16

Ruruli' Tuhan manaak ra ulun ru Israil ra tingganai koson mapalabus risilo intor ra pulalai ru ulun mantatakou.

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.

TINGGANAI RU BANSA' 3:15

Ulun ru Israil pana nampiau nakiindangan ra Tuhan, am nanusub Io ri Igud anak ri Gira koson mampalabus risilo; Igud ti sangulun ondo' kipang, intor ra bansa' ru Binjamin. Nanusub ulun ru Israil ri Igud nangator ra taak upiti ra Raja' Iglon intor ra Moab.

TINGGANAI RU BANSA' 3:8

Ginio ra siminangit kaga' Tuhan risilo, am nopoloso ra Raja' Kusian-Risyataim intor ra Misopotamia nangala risilo. Kinuasa' ilo ru raja' no saboi balu' ngambilor.

TINGGANAI RU BANSA' 4:3

Raja' Jabin mokoondo' ra siam ngaatus kurita' kuda intor ra basi'. Namarinta io ra ulun ru Israil ra malaat am mamatoi buoi ruo ngoopor ngambilor. Ulun ru Israil pana nampiau boo nakiindangan ra Tuhan.

TINGGANAI RU BANSA' 6:7

Ulun ru Israil pana nampiau ra Tuhan makiindangan ilo gumula' ra ulun ru Midian.

1 SAMUIL 12:10

Kopongo raginio nampiau ilo nakiindangan ra Tuhan, am indagu, ‘Makatula akai noyo sabap ra tinalikuran mai Okou, iou Tuhan, am siminamba ra sinungkalalaing Dewa Baal am Asyitorit. Raino ti, pamayag no ramon intor ra pantula', am akai mangandoi ayuk boo Rirun!’