TINGGANAI RU BANSA' 3:7 - Tanou Moonsoi Timugon

⁷ Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

TINGGANAI RU BANSA' 3:7 ပူးပေါင်းရင်းမြစ်များ

1 RAJA'-RAJA' 16:33

Nambaal niayuk Raja' Agab ra sinungkalalaing Dewi Asyira. Napasingkual io ra sangit ru Tuhan, i Aki Kapuuno' ru Israil, nasailan poyo intor ra ngaangai' raja' ru Israil ra nakapagulu.

1 RAJA'-RAJA' 18:19

Raino susubo' noyo ngaangai' ulun ru Israil koson tumuum raki' giu' ra Gunung Karmil. Ibito' apat ngaatus ngaulun nabi ru Baal am apat ngaatus ngaulun nabi ru Dewi Asyira ondo' tinampilanan ru Raja' Ruandu' Ijibil.”

2 RAJA'-RAJA' 23:14

Nomopol Raja' Josia ra tatandu' ondo' timpokon ra Dewi Asyira, am nangumok ra lugu'-lugu' batu, am namumpun ra tana' no ra bungul-bungul ru ulun.

2 RAJA'-RAJA' 23:6

Pinaingkual ru Raja' Josia tatandu' ru Dewi Asyira intor ra Baloi ru Tuhan, am inibit no miningkual ra bandar, giu' ra Limayak Kidron koson solobon. Kopongo raginio baa nano tinutu saboi nasauk ra kaau, am pinatauk giu' ra kalabangan ru mamagun.

2 TUNUNG RU BANSA' ISRAIL 15:16

Raja' Asa nampatuun ra intok ru aru' nano, i Maakga koson ra ina' ru raja' ruandu', sabap ra nambaal io ra rondo' sinungkalalaing majamol koson ra Dewi Asyira, dewi kalabungan. Ginaba' ru Raja' Asa sinungkalalaing no, tinotok no, am sinolob no giu' ra Limayak Kidron.

2 TUNUNG RU BANSA' ISRAIL 24:18

Ginio ra mamagun kalo boo sumambayang giu' ra Baloi ru Tuhan, i Aki Kapuuno' ru kinamatuaan nilo. Tumalimpuun ilo boo sumamba ra sinungkalalaing am sinungkalalaing ru Dewi Asyira. Tula nilono nangkinibit ra Tuhan siminangit ra Jiuda am Jirusalim.

2 TUNUNG RU BANSA' ISRAIL 33:19

Pakiasian ru raja' am taaman ri Aki Kapuuno' ra pakiasian no, tula ru raja' ra io kalo poyo timinalikur intor ra tula, binaal nano ondo' malaat, intok sambaan ra sinungkalalaing am tatandu'-tatandu' ru Dewi Asyira ondo' binaal nano, am niayuk sinungkalalaing ondo' sinamba nano, tinulisan giu' ra ralalom ru kitab Sejarah Nabi-Nabi.

2 TUNUNG RU BANSA' ISRAIL 33:3

Raja' Manasi nambaal saguli' ra intok-intok sambaan ra sinungkalalaing ondo' pinuso ru ama' nali Raja' Gijkia. Binaal ru Raja' Manasi altar koson sumamba ra Baal am nambaal ra sinungkalalaing Dewi Asyira. Io niayuk sumamba ra butitin-butitin.

2 TUNUNG RU BANSA' ISRAIL 34:3

Paat ra bilor kabalu' ra pamarintaan ru Raja' Josia, paat ra io lakat poyo mamulok, timinalimpuun io sumamba ri Aki Kapuuno' ondo' sinamba ru kinamatuaan nali, Raja' Daut. Kopongo apat ngambilor, timinalimpuun Raja' Josia namuso ra intok-intok sambaan ra sinungkalalaing, tatandu'-tatandu' ru Dewi Asyira am ngaangai' sinungkalalaing ra bokon.

2 TUNUNG RU BANSA' ISRAIL 34:7

Giu' ra titikop ru tampilon Pamarintaan Ralayo, Raja' Josia nampalunsai am nangumok ra altar-altar am tatandu'-tatandu' ru Dewi Asyira, am niayuk altar-altar koson monolob ra kaminyan. Kopongo raginio minuli' io ra Jirusalim.

MAZMUR 106:35

Kaa' natagandu' ilo piboo ra bansa'-bansa' raginio; am nanilu ra kaayagan ru ulun ondo' kalo makaulig ri Aki Kapuuno'.

MAZMUR 106:36

Ulun ri Aki Kapuuno' sumamba ra sinungkalalaing, am ginio mangkinibit risilo ra kapusaan.

MAZMUR 106:7

Bulintok giu' ra Misir kinamatuaan maili kalo nakarati' ra atan binaal Nano ondo' makaimuag; nalilianan nilo togom Nano ondo' lumuab, am lumaat ilo gumuor ra Io Ondo' Maayo Kaga' Kuasa' giu' ra Raat Galaga.

KAINGKUALAN 34:13

Lunsayo' noyo altar nilono; umoko' lugu'-lugu' karamat nilo am tagaro' tatandu' Asyira, sinungkalalaing nilo.

JIRIMIA 23:27

Pangkaraan nilo ra inupi-inupi ondo' tinunung risilo no nangkinibit ra ulun Kuno nampalilian Raki' koson ra kinamatuaan nilo nampalilian Raki', am siminamba ra Baal.

SAGULION 16:21

“Paat ra akau mambaal ra altar tayar ru Tuhan i Aki Kapuuno' min, pai' potolorogo' lugu' tataun ondo' nasauk ra tatandu' ru Dewi Asyira ra sapapa' ru altar no.

SAGULION 4:9

Pagilalain! Tutunon ra buoi akau maayag, kalo noyo toojo malilianan min baal ondo' nakito min noyo ra mato min galama'. Balai' noyo anak akupu mino

SAGULION 8:11

“Tutuno' noyo maa' raginio kalo lilianin min Tuhan i Aki Kapuuno' min. Pai' kaliliani' gumagaya' ra rondo' ukum pana ondo' taakin kuno ramuyun ra orou raiti'.

SAGULION 8:14

tutuno' noyo maa' raginio kalo malilimbau kau, am kalo lilianin Tuhan i Aki Kapuuno' min ondo' nagibit noyo ramuyun miningkual intor ra Misir, intok min inulipon ra galing i.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

TINGGANAI RU BANSA' 3:12

Makatula poyo ulun ru Israil ra Tuhan. Ginio sabap ra tuhan napasauk ra Raja' Iglon intor ra Moab, maikang poyo intor ra Israil.

TINGGANAI RU BANSA' 3:8

Ginio ra siminangit kaga' Tuhan risilo, am nopoloso ra Raja' Kusian-Risyataim intor ra Misopotamia nangala risilo. Kinuasa' ilo ru raja' no saboi balu' ngambilor.

TINGGANAI RU BANSA' 6:25

Paat rondom raginio indagu Tuhan ri Gidion, “Alap ra sanginan sapi' gawayan ru ama' muno, iono sapi' gawayan ondo' moonsoi kaga' ondo' umur no tulu' ngambilor. Lunsayo' noyo altar ondo' binaal ru ama' muno tayar ru Baal, am gabaa' noyo lugu' ru tatandu' ru Dewi Asyira ondo' giu' ra sapapa' ru altar no.

TINGGANAI RU BANSA' 8:33

Kopongo i Gidion minatoi, ulun ru Israil kalo boo giminagaya' ri Aki Kapuuno'. Sinamba nilo dewa-dewa Baal am napasauk ra Baal-Birit dewa nilo.

TINGGANAI RU BANSA' 8:34

Kalo boo sumambayang ilo ra Tuhan i Aki Kapuuno' nilo, ondo' nampalabus risilo intor ra kuasa' ru pantula' ra libung nilo.

1 SAMUIL 12:10

Kopongo raginio nampiau ilo nakiindangan ra Tuhan, am indagu, ‘Makatula akai noyo sabap ra tinalikuran mai Okou, iou Tuhan, am siminamba ra sinungkalalaing Dewa Baal am Asyitorit. Raino ti, pamayag no ramon intor ra pantula', am akai mangandoi ayuk boo Rirun!’

1 SAMUIL 12:9

Kaa' kalupus raginio linilianan nilo Tuhan, i Aki Kapuuno' nilono. Ginio sabap ra nopoloso Tuhan ra ulun ru Palistin, raja' ru pagun Moab, am i Sisira, iono panglima saujor ru bandar Gajor, namulunsar ra kinamatuaan mini am nangala risilo.