TINGGANAI RU BANSA' 3:4 - Tanou Moonsoi Timugon

⁴ Bansa'-bansa' no nasauk ra pangkinaman tayar ru ulun ru Israil, koson makapandai ru gumagaya' ilo kapoam kalo ra susuban ondo' pinataak ru Tuhan ra kinamatuaan nilo ondo' pinabala' galing ri Musa.

TINGGANAI RU BANSA' 3:4 ပူးပေါင်းရင်းမြစ်များ

KAINGKUALAN 15:25

Pakiasi' toojo i Musa ra Tuhan, am papakito Tuhan riso ra rondo' tataun. Patapungo' ri Musa tataun no ralalom ru timug, am kalo boo mapait timug no saboi mainum. Giu' ra intok no, nangani' Tuhan risilo ra ukum, am giu' no niayuk nangkinam Io risilo.

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

TINGGANAI RU BANSA' 2:22

Pakayon Ku bansa'-bansa' raginio koson mangkinam ra ulun ru Israil, maa' raginio makapandai Aku ru sumugut kia ulun ru Israil ra susuban Kuno koson ra kinamatuaan nilo kapoam kalo.”

TINGGANAI RU BANSA' 3:1

Nompoloso Tuhan ra kukula' bansa' minayan giu' ra pagun Kanaan koson mangkinam ra ulun ru Israil ondo' kalo igondo' nakaili' ra pangayawan giu' ra Kanaan.