TINGGANAI RU BANSA' 3:3 - Tanou Moonsoi Timugon

³ Ngaangai' bansa' ondo' lakat poyo mayan giu' ra Kanaan iono bansa' ondo' mayan giu' ra limo bandar ru Palistin, ngaangai' bansa' ru Kanaan, bansa' ru Sidon am bansa' ru Giwi ondo' mayan giu' ra Kagunungan Libanon, tumalimpuun intor ra Gunung Baal-Girmon saboi ra Ginting Gamat.

TINGGANAI RU BANSA' 3:3 ပူးပေါင်းရင်းမြစ်များ

KASAUKAN 49:13

“I Jibulon mayan ra kiing ru raat. Raralan ru kapal nagas nano. Wilayah nano lumangka' suku' ra Sidon.

2 SAMUIL 24:7

Intor ra giu' no minongoi ilo ra rabugus, minongoi ra Tirus, bandar ondo' mokoondo' ra kubu no. Tunggul no minongoi ilo ra ngaangai' bandar ru ulun ru Giwi am ulun ru Kanaan, am pupus no minongoi ra Birsyiba, giu' ra tampilon ra rabugus ru Jiuda.

1 RAJA'-RAJA' 8:65

Giu' ra Baloi ru Tuhan no niayuk, Raja' Salomo am ngaangai' ru ulun ru Israil mangiantak ra Mangkalukub ra Raun buoi tulu' ngoorou. Masuang kaga' ulun matong mangiantak ra pangiantakan no. Intor ilo ra libung ra kinagalur ru Ginting Gamat giu' ra ralayo am balitan ru pagun ru Misir giu' ra rabugus.

1 RAJA'-RAJA' 9:20

Kuli' ondo' pinangandoi ru Raja' Salomo iono papag ru ulun ru Kanaan, ondo' kalo pinatoi ru ulun ru Israil paat ra ilo nampagaau ra pagun no. Gitio nakaaya' ulun ru Amori, Git, Piris, Giwi am Jibusi ondo' papag nilo ti narayus nasauk ra inulipon saboi raino.

YEHEZKIEL 47:20

Balitan ralayo binaal ru Raat Tanga', am mongoi ra ralayo saboi ra rondo' intok giu' ra tampilon kalasaan ru Ginting Gamat.

UNTABAN 13:29

Minayan ulun ru Amalik ra tampilon rabugus ru tana' no; ulun ru Git, ulun ru Jibusi am ulun ru Amori minayan tampilon ra kabuluran; ulun ru Kanaan minayan tampilon ra nagas ru Raat Tanga' am giu' ra gawar ru Sungoi Jordan.”

UNTABAN 34:8

am intor ra giu' mongoi ra Ginting Gamat, am rayus mongoi ra Jidad

SAGULION 1:7

Raino puwo' pangkiman mino, am ongoi ra intok kabuluran ru ulun ru Amori am giu' ra titikop libung ra liliut no: giu' ra Limayak Jordan, giu' ra intok kabuluran am tana' marata' magana', giu' ra libung tampilon rabugus, am giu' ra nagas ru Raat Tanga'. Ongoi noyo ra tana' ru Kanaan am giu' ra Kagunungan Libanon saboi ra Sungoi Iprat, sungoi ondo' maayo no.

SAGULION 3:9

Gunung Girmon sabiton ra Siryon ru ulun intor ra bandar Sidon am sabiton ra Sinir ru ulun ru Amori.)

JOSUA 11:19

Bandar ra rorondo' ondo' nobonsoi ra ulun ru Israil iono bandar Gibion, intok inayanan ru santayaran ulun ru Giwi. Ngaangai' bandar ra bokon kinala ralalom ru pangayawan.

JOSUA 11:3

Raja' Jabin niayuk nambilin ra ulun ru Kanaan tampilon ra sirangon am tampilon ra kalasaan ru Sungoi Jordan, am niayuk ra ulun ru Amori, Git, Piris; ra ulun ru Jibusi giu' ra kabuluran am ulun ru Giwi giu' ra lonson toojo ru Gunung Girmon giu' ra libung Mijpa.

JOSUA 13:3

am niayuk titikop wilayah Awi am giu' tampilon ra rabugus. (Tana' intor ra Sungoi Sikgor giu' ra balitan ru Misir, saboi ra balitan ru Ikron giu' ra ralayo, karaan ra tana' ru ulun ru Kanaan; raja' ru ulun ru Palistin minayan giu' ra Gaja, Asdod, Askilon, Gat am Ikron.)

JOSUA 13:5

tana' ru ulun ru Gibal; titikop intok ru Libanon giu' ra tampilon sirangon no, intor ra Baal-Gad giu' ra tampilon rabugus ru Gunung Girmon saboi ra Ginting Gamat;

JOSUA 19:28

Ibron, Rigob, Gamon am Kana saboi ra Sidon.

JOSUA 9:7

Kaa' indagu ulun ru Israil, “Kua pambaal akai ra nabantuan ramuyun? Maaru' lair ru minayan kau ra mamaar ti!”

TINGGANAI RU BANSA' 10:12

Sidon, Amalik am Maon nangimbolo' noyo ramuyun paat ragili, am nampiau kau Raki'. Kalo kia namayag Aku ramuyun intor ra kuasa' nilo?

TINGGANAI RU BANSA' 10:7

Ginio ra siminangit Tuhan ra ulun ru Israil. Nompoloso Io ra ulun ru Palistin am ulun ru Amon nangala risilo.

TINGGANAI RU BANSA' 14:4

Kalo nakapandai matuo ri Simson ra Tuhan nambaal ri Simson mambaal raginio, sabap ra tatanga' Tuhan maguyum ra kaluagan mamulunsar ra ulun ru Palistin. Paat raginio ulun ru Palistin nanguasa' ra ulun ru Israil.

TINGGANAI RU BANSA' 18:7

Kopongo raginio naparayus kalimo-limo ngaulun no ra pangkiralanan minongoi ra bandar Lais. Nakito nilo ra kaayagan ru ulun ra giu' no mamimio koson ra kaayagan ru ulun ru Sidon. Mamagun ru Lais maayag ra mamimio am moonsoi, am kalo nantutula' ra osoi pana; mokoondo' ilo ra ngaangai' pakuan. Minayan ilo maalur intor ra ulun ru Sidon am kalo makapabukatan ra bansa' ru ati pana.

TINGGANAI RU BANSA' 3:2

Masaga' Io mangila' ra moonong sukor bagu ru ulun ru Israil koson mangayou, mulu' poyo ilo ondo' kalo igondo' baya' ra mangayou.

TINGGANAI RU BANSA' 4:2

Ginio ra nopoloso Tuhan risilo kinala ru Raja' Jabin, raja' ru ulun ru Kanaan ondo' namarinta giu' ra bandar Gajor. Panglima saujor nano iono i Sisira, ondo' minayan giu' ra Garosit-Gagoyim.

1 SAMUIL 13:5

Liliwa' raginio ulun ru Palistin niayuk timinimung koson mamulunsar ra ulun ru Israil. Ulun ru Palistin mokoondo' talu ngoopor ngaribu kurita' kuda, onom ngaribu ulun nangkuda am saujor ra kinasuang ru agis giu' ra nagas. Nangkim ilo giu' ra Mikmas tampilon ra sirangon ru Bit-Awin.

1 SAMUIL 29:2

Limo ngaulun raja' ru Palistin baris ra minugar nababaya' ra pulalai-pulalai intor ra maatus ngaribu am saribu ngaulun. I Daut am ulun-ulun nano baris ra tinaulian nababaya' ra Raja' Akis.

1 SAMUIL 6:16

Paat ra kalilimo ngaulun raja' ru Palistin no nakakito ra ngaangai' kasaukan no, uli' ilo ra Ikron ra orou raginio niayuk.

1 SAMUIL 6:18

Napakirim ilo niayuk ra tikus binaal-baal intor ra mas, rondo' ra tayar ru moonong bandar ondo' pinarinta ru limo ngaulun raja' ru Palistin no, iou ra bandar ondo' makatimbok am pekan ondo' kolondo' timbok. Inono' ru kasaukan raginio iono batu maayo intok napabantaan nilo ra Kaban Nabantuan ru Tuhan no. Saboi ra orou raiti' pana batu no lakat poyo soroi giu' ra umo ri Josua, ulun ru Bit-Simis no.

1 SAMUIL 6:4

Pangkuot poyo ulun ru Palistin, “Taak ra atan kinua' ondo' moonsoi pootoron takau?” Taam ilo, “Atari' min limo lanit ra binaal-baal intor ra mas am niayuk limo tikus binaal-baal intor ra mas, nogondo' ra suang ru raja' ru Palistin. Baal makalalaa' ondo' nogondo' nakalumpa' noyo ramuyun ngaangai', iou ra mamagun am poyo ra raja'.