TINGGANAI RU BANSA' 3:10 - Tanou Moonsoi Timugon

¹⁰ Kinuasa' i Otniil ru Ambiluo ru Tuhan, am nasauk io ra tingganai ru ulun ru Israil. Minongoi i Otniil pangayou, am nanaak Tuhan riso ra kamanangan ra raja' Misopotamia.

TINGGANAI RU BANSA' 3:10 ပူးပေါင်းရင်းမြစ်များ

1 SAMUIL 11:6

Paat ra Raja' Saul nakaining ra tanou no, kinuasa' io ru Ambiluo ri Aki Kapuuno', am sangit io boo.

TINGGANAI RU BANSA' 14:19

Namulali' i Simson maikang ru kuasa' ru Tuhan, am ongoi io ra Askilon am namatoi ra talu ngoopor ngaulun ungkuyon ra giu'. Nangalap io ra bayang moonsoi ondo' binayang nilo am pataako' no ginio ra talu ngoopor ngaulun ondo' nakataam ra sundait no. Kopongo raginio, minuli' io ra baloi ra guang pansagulian am siminangit.

TINGGANAI RU BANSA' 14:6

Namulali' i Simson maikang ru kuasa' ru Tuhan. Bibinsango' boo ri Simson singa' no ra kalindu' nano, koson ayuk bibiag no ra sanginan anak kambing. Kalo nambala' i Simson ra matuo nano ra baal raginio.

TINGGANAI RU BANSA' 13:25

Tumalimpuun kuasa' ru Tuhan mangikang riso paat io giu' ra Pangkiman ru Dan, ondo' nangkilolot ra Jora am Isytaol.

TINGGANAI RU BANSA' 11:29

Paat raginio Ambiluo ru Tuhan nanguasa' ri Jipta. I Jipta pana liniput ra titikop Giliad am Manasi, am saguli' ra Mijpa giu' ra Giliad. Intor ra giu' ongoi io ra Amon.

TINGGANAI RU BANSA' 6:34

Kinuasa' i Gidion ru Ambiluo ru Tuhan, am nanamput io ra bujung koson mampiau ra ulun intor ra bansa' ru Abiijir maa' raginio maya' riso.

2 TUNUNG RU BANSA' ISRAIL 15:1

Ambiluo ri Aki Kapuuno' nanguasa' ri Ajaria anak ri Obid,

UNTABAN 24:2

am nakakito ra ulun ru Israil nangkim ralalom pulalai sumugut ra bansa' ru sigagama'. Kinuasa' i Biliam ru Ambiluo ri Aki Kapuuno',

IBRANI 6:4

Itakau musiti' sumingkot, sabap ra ulun ondo' lumugut intor ri Kristus, kalo boo lair makatalikur saguli' Riso. Ilo ti nakatutun noyo ra pambalaan intor ri Aki Kapuuno', am nakaili' ilo no ra taak intor ra suruga' am poyo nakaapu am kinuasa' ilo ru Ambiluo ri Aki Kapuuno'.

MAZMUR 51:11

Palikaro' bulos Muno intor ra tula kuno, am pusoo' noyo ngaangai' kalaatan kuno.

2 TUNUNG RU BANSA' ISRAIL 20:14

Ambiluo ru Tuhan pana nanguasa' ra sangulun Liwi ondo' siminaang giu' ra tatanga' ru ulun masuang no. Inggalan nano i Jagajiil anak ri Jakaria, sangulun intor ra bansa' ru Asap, iono papag ri Binaya, i Jiyil am i Matanya.

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 10:6

Paat raginio niayuk kuasaan kou ru Ambiluo ru Tuhan, am aniin kou ra paliso bagu, am maya' kou risilo saliligo am sogogolok.

UNTABAN 27:18

Indagu Tuhan ri Musa, “Piawo' noyo i Josua anak ri Nun. Io sangulun matanda'. Pabantaa' kalindu' muno ra rasawat ru ulu nano.

UNTABAN 11:29

Taam i Musa, “Mangkara' kou kia ra baal kutu? Malansan aku kaga' ra manaak Tuhan ra Ambiluo Nano ra ngaangai' ulun Nano, am mambaal risilo ngaangai' mampiau koson ra nabi!”

UNTABAN 11:25

Tuun boo Tuhan ralalom ru gaun am indagu ri Musa. Inalap ru Tuhan santayaran intor ra kuasa' ondo' tinaakan No noyo ri Musa, am pataako' kuasa' no ra tulu' ngoopor ngaulun tingganai no. Paat ra Ambiluo ru Tuhan timinuun ra rasawat nilo, tumalimpuun ilo mampiau koson ra nabi kaa' kalo nabuoi.

UNTABAN 11:17

Tumuun Aku am mindagu rirun giu' ra intok raginio, am taakin Ku risilo santayaran intor ra kuasa' ondo' tinaakan Ku noyo rirun. Ra koson raginio, makapangindangan ilo rirun mansaan ra pinalansan ra ulun rati, am kalo boo misangulun kou mansaan raginio.

TINGGANAI RU BANSA' 3:8

Ginio ra siminangit kaga' Tuhan risilo, am nopoloso ra Raja' Kusian-Risyataim intor ra Misopotamia nangala risilo. Kinuasa' ilo ru raja' no saboi balu' ngambilor.

TINGGANAI RU BANSA' 3:11

Namimio pagun no buoi apat ngoopor ngambilor, am i Otniil pana minatoi.

1 TUNUNG RU BANSA' ISRAIL 12:18

Sangulun intor risilo, iono i Amasai, ondo' tauli no nasauk ra tingganai ru pulalai ondo' sabiton ra “Pulalai Talu Ngoopor”, kinuasa' ru Ambiluo ri Aki Kapuuno'. I Amisai pana mindagu, “Daut anak ri Isai, akai ti maamaya' muno! Gama' ru okou am ilo ondo' mangindangan rirun makasugut! I Aki Kapuuno' manaung rirun!” Inuma' ilo ri Daut am linantik ilo nasauk ra pagawai ru saujor nano.

TINGGANAI RU BANSA' 11:32

Ginio ra liminaup i Jipta ra sungoi koson mamulunsar ra ulun ru Amon am nangani' Tuhan riso ra kamanangan.

TINGGANAI RU BANSA' 15:14

Paat ilo nakasaboi ra Ligi, nasimbul ulun ru Palistin minuma' ri Simson liliwa' nompogolok riso. Pulali' ri Simson maikang ru kuasa' ru Tuhan, am nangukat io ra tali ondo' pinabangkil ra longon am kalindu' nano, koson ayuk tali no ra banang nosolob.

1 SAMUIL 10:10

Paat ri Saul am ulipon nano nakasaboi giu' ra Gibia, tinuum i Saul ru sampulalai nabi. Paat raginio niayuk Ambiluo ri Aki Kapuuno' no nanguasa' ri Saul, am minaya' io ra nabi-nabi no saliligo' am sogogolok.