TINGGANAI RU BANSA' 3:1 - Tanou Moonsoi Timugon

¹ Nompoloso Tuhan ra kukula' bansa' minayan giu' ra pagun Kanaan koson mangkinam ra ulun ru Israil ondo' kalo igondo' nakaili' ra pangayawan giu' ra Kanaan.

TINGGANAI RU BANSA' 3:1 ပူးပေါင်းရင်းမြစ်များ

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.

SAGULION 7:22

Ulitakon ru Tuhan i Aki Kapuuno' min mapagiru' ra bansa'-bansa' raginio paat akau jumalai. Kalo makapamuso kau risilo ra igondo' ayuk, sabap amon mambaal kau raginio, kinasuang ru bibiag mangasigo gumaai am masauk ra lolob ramuyun.

JIRIMIA 6:27

Kopongo raginio indagu Tuhan ri Jirimia, “Kinami' noyo ulun Kuno, koson ra okou nangkinam ra basi'. Imumuyi' paliso nilo!

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

TINGGANAI RU BANSA' 2:10

Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.

SAGULION 8:16

Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

1 PITRUS 4:12

Pabukat ondo' tagamin ku, raino maimbolo' kau toojo am ginio mangkinam ra pangintapatan min. Kaa' pai' kau pakatigog sabap ra ginio maaru' masauk ramuyun.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

JUANIS 2:24

Kaa' i Jisus galama' kalo nalansan risilo, sabap ra makaintutun Io ra guang ru ngaangai' ulun.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

2 TUNUNG RU BANSA' ISRAIL 32:31

Paat ra ulun-ulun sinusub intor ra Babilonia minatong ra Raja' Gijkia koson mangkuot intor ra kasaukan makaimuag ondo' nasauk giu' ra pagun no, nompoloso Tuhan ra Raja' Gijkia galama' mingkuor, maa' raginio makinaman guang nano.

KAINGKUALAN 15:25

Pakiasi' toojo i Musa ra Tuhan, am papakito Tuhan riso ra rondo' tataun. Patapungo' ri Musa tataun no ralalom ru timug, am kalo boo mapait timug no saboi mainum. Giu' ra intok no, nangani' Tuhan risilo ra ukum, am giu' no niayuk nangkinam Io risilo.

TINGGANAI RU BANSA' 1:1

Kopongo i Josua minatoi, pangkuot ulun ru Israil ra Tuhan, “Iou Tuhan, ati kia ra bansa' ondo' musiti' kasaa' mongoi bulunsar ra ulun ru Kanaan?”

TINGGANAI RU BANSA' 2:23

Ginio sabap ra kalo nanaak Tuhan ri Josua ra kamanangan ra bansa'-bansa' raginio. Kaa' nopoloso Tuhan risilo mayan ra pagun no am kalo mataki' napagiru' risilo.

TINGGANAI RU BANSA' 3:2

Masaga' Io mangila' ra moonong sukor bagu ru ulun ru Israil koson mangayou, mulu' poyo ilo ondo' kalo igondo' baya' ra mangayou.