TINGGANAI RU BANSA' 2:18 - Tanou Moonsoi Timugon

¹⁸ Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.

TINGGANAI RU BANSA' 2:18 ပူးပေါင်းရင်းမြစ်များ

JOSUA 1:5

Okou Josua, kolondo' sangulun pana makapangala rirun buoi ra okou maayag. Mabaya' Aku rirun koson Aku nabaya' ri Musa. Magail Aku mabaya' rirun, am kalo toojo mangiruan rirun.

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

KAINGKUALAN 2:24

Naining ri Aki Kapuuno' golok ru ulun ru Israil, am nakara' No nabantuan Nano ri Abragam, i Isak am i Jakub.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

2 RAJA'-RAJA' 13:4

Kopongo raginio Raja' Jigoagas nakiasi' ra Tuhan, am nakapandai Tuhan ra mapara' kinalaat ru raja' ru Siria nangimbolo' ra ulun ru Israil. Nangiou boo Tuhan ra pakiasian ru Raja' Jigoagas.

TINGGANAI RU BANSA' 10:16

Ilo pana namatir ra ngaangai' sinungkalalaing, am samba ra Tuhan. Io pana mangiluk nakakito ra kapaganan ondo' mailian ru ulun ru Israil.

KASAUKAN 6:6

Ginio ra pansagulian boo Tuhan napasauk risilo am napaayan ra tana' ti. Nasindualan kaga' Tuhan.

KAINGKUALAN 3:12

Indagu i Aki Kapuuno', “Mabaya' Aku rirun. Paat ra maibit mu noyo ulun ru Israil mingkual intor ra Misir, sumambayang kau samba Raki' ra gunung ti. Ginio noyo inono' ra Aku nanusub rirun.”

JUNUS 3:10

Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

UNTABAN 10:9

Paat ra akau mangayou giu' ra tana' min koson mangampin ra inan intor ra pantula' ondo' namulunsar ramuyun, samputi' bujung-bujung raginio koson manaak ra pulanu ru pangayawan. Aku Tuhan, i Aki Kapuuno' min, mangindangan am mamayag ramuyun intor ra pantula'.

TINGGANAI RU BANSA' 2:19

Kaa' kopongo tingganai no matoi, manampaliso ulun ru Israil ra malaat poyo intor ra sukor ra kalo poyo raginio. Siminamba am nangandoi ilo ayuk ra ngaangai' tuhan ra bokon. Siminaguli' ilo ra kaindalaman nilo ondo' malaat am kalo masaga' mangulau ra paliso nilo.

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

TINGGANAI RU BANSA' 3:9

Ulun ru Israil pana nampiau makiindangan ra Tuhan, am nanusub Io ra sangulun ungkuyon makainggalan ri Otniil anak ri Kinas nampalabus risilo. I Kinas iono boborok ungkuyon ri Kalib.

TINGGANAI RU BANSA' 6:12

Minintalang malaikat ru Tuhan ri Gidion ra giu' no am indagu, “Tuhan mabaya' rirun, okou buayoi mapanggol am baani!”

TINGGANAI RU BANSA' 6:16

Indagu Tuhan riso, “Mangindangan Aku rirun, sabap raginio maaru' makasugut kou. Kalaan mu ulun ru Midian ra ilain koson nantaluma' kou ra sangulun ayuk.”

TINGGANAI RU BANSA' 11:32

Ginio ra liminaup i Jipta ra sungoi koson mamulunsar ra ulun ru Amon am nangani' Tuhan riso ra kamanangan.