TINGGANAI RU BANSA' 2:16 - Tanou Moonsoi Timugon

¹⁶ Ruruli' Tuhan manaak ra ulun ru Israil ra tingganai koson mapalabus risilo intor ra pulalai ru ulun mantatakou.

TINGGANAI RU BANSA' 2:16 ပူးပေါင်းရင်းမြစ်များ

RINALATAN 13:20

Ngaangai' raginio nasauk buoi 450 ngambilor ragili. Kopongo ragili, anii' ilo boo ri Aki Kapuuno' ra akim suku' i Nabi Samuil.

1 SAMUIL 12:11

Kopongo raginio nanusub Tuhan ri Gidion, am i Barak boo, am i Jipta boo am pupus toojo aku. Akai sigagama' napalabus noyo ramuyun intor ra pantula', saboi kaayagan min namimio.

NIGIMIA 9:27

saboi nompoloso Kou ra pantula' nangala am nanguasa' risilo. Paat ra kapaganan, nampiau ilo makiindangan Rirun; intor ra suruga', timinaam Kou risilo. Sabap ra makaasi' Kou nanusub Kou ra tingganai-tingganai, ondo' namayag risilo intor ra pantula'.

TINGGANAI RU BANSA' 3:15

Ulun ru Israil pana nampiau nakiindangan ra Tuhan, am nanusub Io ri Igud anak ri Gira koson mampalabus risilo; Igud ti sangulun ondo' kipang, intor ra bansa' ru Binjamin. Nanusub ulun ru Israil ri Igud nangator ra taak upiti ra Raja' Iglon intor ra Moab.

TINGGANAI RU BANSA' 6:14

Tuhan pana nanaak ri Gidion ra susuban ragitio, “Ra ngaangai' ru ikang muno, ongoyo' noyo palabuso' ulun ru Israil intor ra ulun ru Midian. Aku noyo ondo' nanusub rirun.”

TINGGANAI RU BANSA' 4:5

Kaindalaman ri Dibora manturung ra saau ru sampuun kurma, nangkilolot ra Rama am Bitil, giu' ra kabuluran ru Ipraim. Giu' noyo ratangan ru ulun ru Israil koson makibilin riso.

TINGGANAI RU BANSA' 10:1

Kopongo i Abimilik minatoi, i Tola anak ri Pua, nasauk ra tingganai koson mampalabus ra Israil. I Tola akupu ri Dodo intor ra bansa' ru Isakar. Minayan i Tola ra Samir, giu' ra kabuluran Ipraim.

RUT 1:1

Galing i ra kalo poyo ulun ru Israil makaraja', makabitilan nasauk giu' ra tana' ru Kanaan. Naintuma' ragili mokoondo' sangulun ungkuyon ininggalanan ri Ilimilik. Io intor ra bansa' ru Iprata, am minayan giu' ra Bitligim ra libung Jiuda. Sabap ra bitilan no, ongoi io ra pagun Moab nabaya' ra andu' nano i Naomi, am poyo ruo ngaulun anak ungkuyon nano, i Maglon am i Kilion. Minayan ilo ra Moab ra buoi. Buoi nilo ra giu',

TINGGANAI RU BANSA' 3:31

Tingganai ra sumunu' ti iono i Samgar anak ri Anat. Io niayuk nangayou am nampalabus ra ulun ru Israil. Namatoi io ra onom ngaatus ulun ru Palistin ra jujuga' gugunjau ra sapi'.

TINGGANAI RU BANSA' 11:32

Ginio ra liminaup i Jipta ra sungoi koson mamulunsar ra ulun ru Amon am nangani' Tuhan riso ra kamanangan.

1 SAMUIL 14:48

Nangayou Raja' Saul ra baani toojo, ulun ru Amalik pana kinala no; napalabus Raja' Saul ra Israil intor ra ulun mantakou.