TINGGANAI RU BANSA' 2:10 - Tanou Moonsoi Timugon

¹⁰ Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.

TINGGANAI RU BANSA' 2:10 ပူးပေါင်းရင်းမြစ်များ

1 SAMUIL 2:12

Anak-anak ri Ili malaat kaga'. Kalo mampalio ilo ra Tuhan.

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JISAYA 5:12

Ralalom nasuangan pangiantakan mangkuli kau ra jitor, gambus, tamburing, am tulali, am niayuk manginum ra wain, kaa' kalo mapandayan min atan tatanga' baalon ru Tuhan raino ti.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 SAMUIL 7:12

Amon ru saboi ra pupus ru bayag muno, am lobongon kou ra kalabangan ru kinamatuaan muno, sangulun intor ra anak ungkuyon muno saukon Ku ra raja', am kapioton Ku pamarintaan nano.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

JIRIMIA 22:16

Mangakim io ra baal ru ulun musikin ra matimpok; ngaangai' no mugar ra moonsoi riso. Ginio arati' no makaulig ra Tuhan.

JIRIMIA 9:3

Masalok ilo tumampos lalair koson magabau; giu' ra titikop pagun ondo' motopot kalo manguasa', tumbalik no gumaai-gaai kalo mabanis guang. Indagu Tuhan, “Ulun Kuno kalo lulumonggo' mambaal ra kalaatan, kalo mangiou ilo Raki' koson i Aki Kapuuno' nilo.”

AYUP 21:14

Ulun malaat manusub ri Aki Kapuuno' minggalur risilo; marara' ilo makapandai ra kasagaan Nano ra tayar ru bayag nilo.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

UNTABAN 27:13

Mopongo magilong ra tana' no, matoi kou koson ri Arun maayo ungkuyon muli niayuk minatoi noyo,

KASAUKAN 49:33

Kabilini' ri Jakub anak-anak ungkuyon nano, luya' io am patoi.

KASAUKAN 15:15

Okou galama' maayag polos ra umur muno matutuo toojo, matoi kou ra maandai am lobongon.

KASAUKAN 25:17

Umur ri Ismail 137 ngambilor paat minatoi.

KAINGKUALAN 1:6

Buoi kabuoi i Jusup am pinongkotob nano minatoi, am koson niayuk ra ngaangai' ulun ondo' santuu' riso.

KAINGKUALAN 1:8

Kopongo raginio sangulun raja' nakabagu ondo' kalo makaulig ri Jusup timinalimpuun mamarinta ra pagun ru Misir.

JOSUA 24:31

Buoi i Josua naayag, ulun ru Israil nangandoi ayuk ra Tuhan. Kopongo i Josua minatoi am buoi ru tingganai-tingganai naayag ondo' nakakito ra ngaangai' binaal ru Tuhan ra ulun ru Israil, nagulayun ulun raginio nangandoi ayuk ra Tuhan.

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

LUKAS 20:32

Pupus i, ruandu' i pana minatoi.