TINGGANAI RU BANSA' 19:3 - Tanou Moonsoi Timugon

³ sunuo' ru ulun ru Liwi no ruandu' parulug nano am kinam manimayo riso ra sumaguli' riso. Nagibit ulun ru Liwi no ra sangulun ulipon am ruo ngainan kaladai nabaya' riso. Pakasaboi ra giu' no, ibito' io ru ruandu' parulug nano ra ama' nano. Paat ama' ru ruandu' no nakakito ra ulun ru Liwi no, inuma' no io ra kaansukan,

TINGGANAI RU BANSA' 19:3 ပူးပေါင်းရင်းမြစ်များ

KASAUKAN 50:21

Pai' kano pagalabo, alungin takamin mabaya' ra anak-anak min.” Ginii noyo i Jusup nanimayo ra pagaka'-pagaka' nano ra ragu molomoi saboi guang nilo nabinsaluyan.

KASAUKAN 34:3

Kaa' kabunduk boo guang ri Sikgim no ri Dina saboi malaai io kaga', am mirot io mangambi' ra guang ru ralaa no.

GALATIA 6:1

Pabukat kau ngaangai', amon ru marampatan min sasangulun no makasala, akau ondo' maikang toojo pangintapatan musiti' magibit ra ulun no sumaguli' ra katapatan mabaya' ra ragu mamunduk riso. Am ilalai' min galama' ra akau pana kalo matiu' ru pangkinaman.

JUANIS 8:11

Taam io, “Kolondo'.” Kon ri Jisus, “Aku pana kalo mangukum rirun. Raino, ugar no am pai' no boo pambaal ra tula.”]

MATIUS 1:19

I Jusup ti sangulun ondo' masalok mambaal ra motopot, kaa' kalo masaga' io mampakauyu' ri Maria koson mambala' ra ulun masuang. Pamaguangan ri Jusup bukaton no tamung nilono ra kolondo' ulun makatutun.

GOSIA 2:14

Pasagulion Ku umo ru anggur ondo' linonggom no ragili am Limayak Kapaganan pasaukon ra rondo' kulobon kalansanan. Giu' no manguma' io Raki' koson ra paat io mamulok, paat ra io bagu miningkual intor ra Misir.

JIRIMIA 3:1

Indagu Tuhan, “Paat ra sangulun ralaki mangali ra andu' nano, am ruandu' no pana nasauk ra andu' ru ulun bokon, ralaki lair nano pana kalo makapamuli' saguli' riso koson ra andu', sabap ra baal raginio makajaka' ra titikop pagun ti. Okou Israil, mokoondo' noyo ra masuang kaga' ambai, am raino masaga' kou piboo sumaguli' Raki'!

TINGGANAI RU BANSA' 15:1

Kukula' buoi raginio, paat mangkumos ra gandum, minongoi i Simson pagilong ra andu' nano. Nagibit io ra sanginan kambing mamulok. Indagu io ra iwan ungkuyon nano, “Masaga' aku mongoi ra lamin ru andu' kuno.” Kaa' nanginggalar iwan ungkuyon nano riso.

UNTABAN 22:22

Siminangit i Aki Kapuuno' sabap minugar i Biliam. Liliwa' nangura' i Biliam ra kaladai nano, binaya' ru ruo ngaulun ulipon nano, minigor malaikat ru Tuhan ra tanga' ru ralan koson mongompong riso.

IMAMAT 20:10

“Amon ru sangulun Israil mansawa' ra andu' ru ulun rondo' bansa' riso no, musiti' ulun no am ruandu' no ukumin ra matoi.

IMAMAT 19:17

“Pai' kalikokot ra osoi pana. Salasayo' noyo pansangaran muno riso, maa' raginio kolondo' tula muno sabap ra ulun no.

TINGGANAI RU BANSA' 19:2

Kaa' sangit boo ruandu' parulug nano riso, am saguli' ra baloi ru ama' nano giu' ra Bitligim. Kopongo ruandu' no minayan ra giu' buoi apat ngansila',

TINGGANAI RU BANSA' 19:4

am nanginga' riso maa' raginio ra kalo muli'. Minayan ulun ru Liwi no ra giu' buoi talu ngoorou am nangakan nanginum am nombolong ra giu' no nabaya' ra ruandu' parulug nano.

TINGGANAI RU BANSA' 19:26

Paat ra tumawang orou, saguli' ruandu' no, kaa' tuma' ra kulobon ru baloi ru ulun matutuo no, intok nambalangan ru ralaki nano, naratu' io. Lakat io poyo ra giu' no paat sumirang mato ru orou.

GOSIA 2:16

Kalo boo iowon Ku io manabit ra inggalan ru Baal.