TINGGANAI RU BANSA' 18:3 - Tanou Moonsoi Timugon

³ Paat ilo ra giu' no, nauligan nilo lalayuk ru ragu ru ungkuyon mamulok ru bansa' ru Liwi no. Ginio ra kuati' nilo io, “Kua giti kou? Atan kuayan muno? Osoi nagibit rirun ra giti?”

TINGGANAI RU BANSA' 18:3 ပူးပေါင်းရင်းမြစ်များ

KASAUKAN 27:22

Inggaar i Jakub ra ama' nano. Guuto' no i Jakub am indagu, “Bolos mutu koson ra bolos ri Jakub, kaa' longon mutu koson ra longon ri Isau.”

JISAYA 22:16

“Indos mu osoi kia okou ti? Atan kuasa' muno saboi okou galama' nambaal ra luang ru lobong muno galama' giu' ra bulur batu?

MATIUS 26:73

Kopongo raginio, ulun-ulun ondo' minigor ra giu' i ratong ri Pitrus am indagu, “Maaru' okou ti sangulun intor risilo. Mauligan mai intor ra lalayuk ru ragu muno.”

TINGGANAI RU BANSA' 12:6

sinusub nilo io mindagu ra, “Syibolit.” Kaa' mindagu ulun no ra “Sibulit” sabap kalo masabit no ra matanda'. Ilo pana namparakop am namatoi riso giu' ra intok laupan ru sungoi no. Paat raginio suang 42,000 ngaulun Ipraim pinatoi.

TINGGANAI RU BANSA' 18:2

Ginio ra nampili' bansa' ru Dan ra limo ngaulun ondo' baani ra ngaangai' ru bansa' ralalom bansa' nilono ondo' minayan giu' ra Jora am Isytaol, am nangani' risilo ra kandoi koson mansigo ra pagun no. Ngaangai' ulun pinili' no minugar, am nakasaboi ra kabuluran Ipraim. Giu' no minayan ilo ra baloi ri Mika.

TINGGANAI RU BANSA' 18:4

Taam ulun ru Liwi no, “Mokoondo' aku ra pangiawan ri Mika. Nampagaji' io raki' masauk ra imam nano.”