TINGGANAI RU BANSA' 18:2 - Tanou Moonsoi Timugon

² Ginio ra nampili' bansa' ru Dan ra limo ngaulun ondo' baani ra ngaangai' ru bansa' ralalom bansa' nilono ondo' minayan giu' ra Jora am Isytaol, am nangani' risilo ra kandoi koson mansigo ra pagun no. Ngaangai' ulun pinili' no minugar, am nakasaboi ra kabuluran Ipraim. Giu' no minayan ilo ra baloi ri Mika.

TINGGANAI RU BANSA' 18:2 ပူးပေါင်းရင်းမြစ်များ

TINGGANAI RU BANSA' 13:25

Tumalimpuun kuasa' ru Tuhan mangikang riso paat io giu' ra Pangkiman ru Dan, ondo' nangkilolot ra Jora am Isytaol.

JOSUA 2:1

I Josua pana nangator ra ruo ngaulun pansigo intor ra pangkiman giu' ra Sitim mongoi ra Kanaan. Sinusub ilo maa' raginio lumiput ra tana' ru Kanaan koson mangintutun ra sinokon, mulu' poyo toojo bandar Jiriko. Pakasaboi ilo ra bandar no, minayan ilo ra sangulun ruandu' mantalan ra inan inggalan no i Ragab.

TINGGANAI RU BANSA' 18:11

Kopongo raginio onom ngaatus ngaulun intor ra bansa' ru Dan minugar intor ra Jora am Isytaol, nakatampos ra mangayou.

TINGGANAI RU BANSA' 18:8

Paat ra limo ngaulun no siminaguli' ra Jora am Isytaol, kinitaak ilo mambala'.

UNTABAN 13:17

Paat ra i Musa nanusub risilo mugar, pambilin io risilo, “Ongoi ra tampilon ralayo, ongoi tampilon ra rabugus ru tana' ru Kanaan, am ongoi boo ra libung kabuluran.

LUKAS 14:31

Amon ru sangulun raja' ondo' makasaujor mopor ngaribu ngaulun makimangayou ra raja' ra bokon ondo' makasaujor ruo ngoopor ngaribu ngaulun, mampaguang io poyo galing ru maikang io no kia manggal ra pantula' nano.

AMSAL 20:18

Pakitaak ra bilin maa' raginio makaampos. Pai' ongoi pangayou amon ru kolondo' inatangan.

TINGGANAI RU BANSA' 19:18

Taam ulun ru Liwi no, “Bagu akai ayuk intor ra Bitligim giu' ra Jiuda am mangkiralan muli' ra baloi giu' ra kabuluran Ipraim. Intor aku ra giu' no. Kolondo' sangulun pana masaga' mopoolong ramon ra bandar ti.

TINGGANAI RU BANSA' 19:1

Paat ra Israil kolondo' poyo raja', mokoondo' sangulun Liwi ondo' minayan giu' ra asak ru kabuluran Ipraim. Mokoondo' io sangulun ruandu' parulug intor ra Bitligim giu' ra Jiuda.

TINGGANAI RU BANSA' 16:31

Ratong boo ngaangai' pabukat-pabukat ungkuyon nano am ngaangai' bala ru sasambaloi nano nangalap ra baangkai nano. Inibit nilo baangkai nano minuli' am linobong io giu' ra ralalom ru lobong ri Manoa, ama' nano. Lobong no giu' ra lolot ru Jora am Isytaol. Nasauk i Simson ra tingganai ru Israil buoi ruo ngoopor ngambilor.

TINGGANAI RU BANSA' 13:2

Paat raginio, mokoondo' sangulun ungkuyon makainggalan ri Manoa, intor ra bandar Jora. Intor io ra bansa' ru Dan. Tabanang andu' nano.

JOSUA 19:41

Wilayah nilo nakasimpung bandar Jora, Isytaol, Ir-Simis,

KASAUKAN 42:9

Kakara' boo ri Jusup inupi nali risilo, am indagu io boo, “Akau ti mansisigo. Minatong kau ragiti mongoi pangintutun ra kalawaan ru pagun maiti.”

JOSUA 15:33

Bandar-bandar giu' ra lonson toojo ru bulur iono Isytaol, Jora, Asna,

TINGGANAI RU BANSA' 17:1

Mokoondo' sangulun ungkuyon makainggalan ri Mika ondo' minayan giu' ra kabuluran ru Ipraim.

TINGGANAI RU BANSA' 18:3

Paat ilo ra giu' no, nauligan nilo lalayuk ru ragu ru ungkuyon mamulok ru bansa' ru Liwi no. Ginio ra kuati' nilo io, “Kua giti kou? Atan kuayan muno? Osoi nagibit rirun ra giti?”

JOSUA 2:2

Binalaan raja' ru Jiriko ra kukula' ngaulun ru Israil minatong rondom raginio koson mansigo ra pagun nano.

TINGGANAI RU BANSA' 18:13

Intor ra giu' no minugar ilo narayus ra wilayah kabuluran Ipraim saboi ra baloi ri Mika.