TINGGANAI RU BANSA' 17:5 - Tanou Moonsoi Timugon

⁵ Mokoondo' i Mika ra rondo' intok sambaan. Nambaal io ra kukula' sinungkalalaing am rondo' efod am pamalantik ra sangulun anak ungkuyon nano masauk ra imam.

TINGGANAI RU BANSA' 17:5 ပူးပေါင်းရင်းမြစ်များ

TINGGANAI RU BANSA' 18:14

Kopongo raginio limo ngaulun ondo' nansigo ra pagun giu' ra liliut ru Lais mindagu ra rangan-rangan nilo, “Nakapandai kau kia ra ralalom ru rondo' ra baloi ti mokoondo' rondo' sinungkalalaing intor ra tataun ondo' inangkupan ra pirok? Mokoondo' niayuk kukula' sinungkalalaing ra bokon am rondo' efod. Kinami' karaa' atan ondo' musiti' baalon takau.”

TINGGANAI RU BANSA' 8:27

Intor ra mas no, nambaal i Gidion ra rondo' sinungkalalaing, am paayano' no giu' ra Opra, intok namagunan nano. Ngaangai' ulun ru Israil minongoi ra giu' no koson sumamba ra sinungkalalaing no, saboi kalo boo sumamba ilo ri Aki Kapuuno'. Baal raginio nasauk ra landak tayar ri Gidion am sasambaloi nano.

KASAUKAN 31:19

Paat raginio minongoi i Laban pagungkur ra bulu ru domba-domba nano, am paat raginio noyo tokowo' ri Ragil sinungkalalaing ri Laban no.

TINGGANAI RU BANSA' 18:24

Taam i Mika, “Inalap min imam kuno am sinungkalalaing ondo' binaal kuno. Kolondo' boo atan-atan raki', am kamin boo, ‘Atan kia guat?’ ”

KASAUKAN 31:30

Napandayan ku ra okou minugar ti moogot kaga' muli' ra baloi ri ama' muno, kaa' kua tokowo' mu sinungkalalaing kuno?”

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

KAINGKUALAN 29:9

pogoboton ilo niayuk ra abot, am pansigalon ilo. Ginio noyo ralan muno ra patimpokon i Arun am anak-anak nano. Musiti' ilo am papag nilo mangandoi Raki' ayuk koson ra imam ra sabuoi-buoi no.

KAINGKUALAN 28:15

“Baali' Imam Maayo ra sampila' utau; pautawon utau no paat ra masaga' makapandai ra kasagaan ri Aki Kapuuno'. Musiti' utau no baalon intor ra bahan ondo' pakayon mambaal ra efod, am niayuk makasulam koson ra efod.

IBRANI 5:4

Kolondo' sangulun galama' mampili' sumauk ra Tingganai Maayo Imam, kaa' piawon io ri Aki Kapuuno', koson i Arun piniau ra galing i.

GOSIA 8:14

“Ulun ru Israil nambaal ra istana-istana, kaa' nalilianan nilo ondo' Namangun risilo. Ulun ru Jiuda nambaal ra bandar-bandar mokoondo' ra kubu, kaa' paratuon Ku apui koson monolob ra ngaangai' bandar am istana nilo.”

IJRA 1:7

Pinasaguli' ru Raja' Koris ngaangai' mangkuk am sangkir ondo' ragili pinakai giu' ra ralalom Baloi ru Tuhan giu' ra Jirusalim. Kuliamos no inibit ru Raja' Nibukadnijar am binulian giu' ra ralalom ru kuil ru dewa-dewa nano galama'.

1 RAJA'-RAJA' 12:31

Nambaal niayuk i Jirobiam ra intok-intok sambayangan giu' ra rasawat ru bulur-bulur, am nampili' ra imam-imam ondo' sala' ka intor ra bansa' ru Liwi.

1 SAMUIL 23:6

Paat ri Abiatar anak ri Agimilik nagiru' minongoi ri Daut, am minaya' ri Daut minongoi ra Kigila, io niayuk nagibit ra efod.

KAINGKUALAN 28:4

Susubo' ilo mambaal ra utau, efod, sukub, sukub aniin ra sulam, serban am abot. Musiti' ilo mambaal ra bayang ru imam no ra maayo muno i Arun am anak-anak nano maa' raginio makapangandoi ilo ayuk Raki' koson ra imam.

KAINGKUALAN 24:5

Panusub boo i Musa ra kukula' ngaulun mamulok koson mapataak ra taak simbalui koson mapabansuk ra guang ru Tuhan am niayuk mapataak ra kukula' ngainan sapi' koson ra taak simbalui koson makibarakat ra Tuhan.

UNTABAN 3:10

Saukon noyo i Arun am anak-anak nano mapaugar ra kandoi ru imam. Ulun ra bokon ondo' kuminam mapaugar ra kandoi ru imam musiti' ukumin ra matoi.”

TINGGANAI RU BANSA' 17:4

Kopongo pinasaguli' ri Mika pirok no ra ina' nano, nangalap ina' nano ra ruo ngaatus ngampila' am pataako' no ra sangulun manukang ra pirok. Nanusub io ra manukang no mambaal ra rondo' sinungkalalaing intor ra tataun am patapiso' no ra pirok no. Paayano' boo sinungkalalaing no giu' ra baloi ri Mika.

TINGGANAI RU BANSA' 18:30

Giu' ra bandar no pinabigor nilo sinungkalalaing ondo' inibit nilono. Ilo pana napalantik ri Jonatan anak ri Girsom, akupu ri Musa koson imam nilo. Papag ri Girsom pana nasauk ra imam ru bansa' ru Dan saboi ra ulun ru Israil rinakop am pinatiran ra pagun ra bokon.

JISAYA 44:13

Ulun manukang ra tataun manuku' ra tataun. Lukison no pagulu baalon nano mamakai ra kapur, puusin no mamakai ra kuliamos nano, am saukon no ra sinungkalalaing natilu ra ulun ondo' maindon, am pabantaan no ra ralalom ru baloi nano.

YEHEZKIEL 21:21

Minigor raja' ru Babilonia giu' ra sapapa' ru papan tatandu' no, lilisangon ru ralan. Koson mangaru' ra ralan ra ati bayaan nano, inunggung no anak panah nano, nangkuot ra sinungkalalaing nano am nagilong ra angkayau ru bibiag ondo' pinataak koson ra taak simbalui.

1 SAMUIL 19:13

I Mikgal pana nangalap ra sinungkalalaing ru baloi nano am pinabanta' no ra intok pambalangan ri Daut. Pinabanta' no niayuk bantal ondo' binaal intor ra bulu ru kambing ra ragana' ru ulu ru sinungkalalaing no, am kinuluput no ra bajang.

1 RAJA'-RAJA' 12:32

Raja' Jirobiam niayuk namuun ra rondo' pangiantakan ru ugama paat ra orou koopor am limo ra sila' kabalu', koson ra pangiantakan giu' ra Jiuda. Giu' ra rasawat ru altar ra Bitil, nampataak io ra taak ra ngaangai' sinungkalalaing ru sapi' mas ondo' binaal nano. Raja' Jirobiam nampaayan ra imam-imam giu' ra Bitil, iono imam-imam ondo' mangandoi ra intok-intok sambayangan ondo' binaal nano.

YEHEZKIEL 21:26

Aku, Tuhan Raja' minindagu noyo. Iruo' karaun am serban min. Raino ngaangai' no makulau. Kasawato' intok ru ulun musikin. Paingganaa' intok ru ulun makakuasa'.