TINGGANAI RU BANSA' 17:4 - Tanou Moonsoi Timugon

⁴ Kopongo pinasaguli' ri Mika pirok no ra ina' nano, nangalap ina' nano ra ruo ngaatus ngampila' am pataako' no ra sangulun manukang ra pirok. Nanusub io ra manukang no mambaal ra rondo' sinungkalalaing intor ra tataun am patapiso' no ra pirok no. Paayano' boo sinungkalalaing no giu' ra baloi ri Mika.

TINGGANAI RU BANSA' 17:4 ပူးပေါင်းရင်းမြစ်များ

TINGGANAI RU BANSA' 17:3

Pinasaguli' ri Mika pirok no ra ina' nano. Kon poyo ru ina' nano, “Maa' raginio okou, anak kuno kalo masulung ra ulas ondo' rinagu ku ragili, pataakon ku pirok ti ra Tuhan. Pirok ti pakayon koson patapison ra sinungkalalaing intor ra tataun. Pasagulion ku rirun pirok no.”

TINGGANAI RU BANSA' 17:5

Mokoondo' i Mika ra rondo' intok sambaan. Nambaal io ra kukula' sinungkalalaing am rondo' efod am pamalantik ra sangulun anak ungkuyon nano masauk ra imam.

JISAYA 30:22

Alapon min sinungkalalaing sambaan ondo' inangkupan ra pirok am mas, am patirin koson ra ginsamol. Mindagu kau riso, “Ugar no intor raki'!”

JISAYA 44:13

Ulun manukang ra tataun manuku' ra tataun. Lukison no pagulu baalon nano mamakai ra kapur, puusin no mamakai ra kuliamos nano, am saukon no ra sinungkalalaing natilu ra ulun ondo' maindon, am pabantaan no ra ralalom ru baloi nano.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

TINGGANAI RU BANSA' 18:17

Kalimo-limo ngaulun pansigo no narayus minumpos ra baloi, am nangalap ra sinungkalalaing intor ra tataun ondo' inangkupan ra pirok no, sinungkalalaing ra bokon am efod. Tatanga' ungkuyon mamulok ru Liwi no migor nababaya' ra onom ngaatus ngaulun saujor no giu' ra kulobon garabang.

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!