TINGGANAI RU BANSA' 17:2 - Tanou Moonsoi Timugon

² Sangarawan raiti indagu io ra ina' nano, “Paat ra ulun nantakou ra 1,100 ngampila' ruit pirok muno ragili, norongog ku nagulas kou ra mantatakou i. Aku noyo ondo' nantakou ra pirok i. Lakat poyo binulian ku.” Kon ru ina' nano, “Gama' ru barakaton kou ru Tuhan, anak kuno!”

TINGGANAI RU BANSA' 17:2 ပူးပေါင်းရင်းမြစ်များ

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

RUT 3:10

“Mambarakat Tuhan rirun,” kon ri Boas. “Ra binaal mutu, napakito kou ra gagaya' ondo' maayo poyo intor ra atan ondo' binaal mu noyo ra iwan muno. Sotopot no makauyum kou ra sangulun buayoi, ondo' langkaya' kapoam ondo' musikin. Kaa' kalo binaal muno ginio.

2 JUANIS 1:11

Osoi ondo' mangapu am tumabi' ra ulun ra raitii' ni, arati' no, maya' io ra ulun raginio mambaal ra kalaatan.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

MATIUS 26:74

Pagigibot boo i Pitrus am kono, “Kalo nauligan ku ulun no. Amon ru topot aku po nakaulig ra ulun ti, kaluus aku no!” Paat raginio niayuk naningkuluuk manuk tandaa' no.

JIRIMIA 48:10

Ulaso' noyo ulun ondo' kalo mambaal ra kandoi ru Tuhan ra sotopot ru guang! Ulaso' noyo ulun ondo' kalo mamutus ra ilang am mampatoi!

AMSAL 28:24

Osoi mantakou ra matuo nano am guangon no baal koson raginio kolondo' tula, io no nogondo' ayuk ra mantatakou.

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

1 SAMUIL 26:19

Raja' kuno, rongogo' ragu kutu. Amon ru Tuhan no nanusub rirun maa' raginio gumula' raki', rondo' taak ru taak simbalui makasalui ra sangit Nano raki'. Kaa' amon ru ondo' nanusub rirun no ulun, gama' ru ulason ilo ru Tuhan! Kinibit ru binaal nilono, aku ti pinagiru' noyo intor ra tana' longgom ru Tuhan am minugar kalalaat minongoi ra pagun ra bokon. Giu' no musiti' aku sumambayang ra dewa-dewa ru ulun bansa' ru bokon.

1 SAMUIL 23:21

Indagu Raja' Saul, “Gama' ru barakaton kau ru Tuhan sabap ra moonsoi raki'.

1 SAMUIL 15:13

Pakatuum i Samuil ra Raja' Saul, kon ru Raja' Saul riso, “Gama' ru mambarakat Tuhan ri Samuil. Sinugut ku noyo susuban ru Tuhan.”

1 SAMUIL 14:28

Kopongo raginio indagu sangulun intor ra saujor no riso, “Akai ngaangai' kalo boo makalulu' ra naitilan. Kaa' nopololob i ama' muno ramon am minindagu, ‘Kaulas noyo ulun ondo' mangakan ra atan pana ra orou raiti'.’ ”

1 SAMUIL 14:24

Paat orou raginio mangalawo ulun ru Israil ra nangaitilan sabap ra Raja' Saul nagibot koson ragitio, “Kaulas noyo ulun ondo' mangakan ra atan pana ra orou raiti', ra kalo poyo mansuli' aku ra pantula'.” Ginio ra kolondo' sangulun pana ondo' nangakan buoi ru orou raginio.

TINGGANAI RU BANSA' 5:23

“Kaulas noyo Miros,” ragu ru malaikat ru Tuhan, “Kaulas noyo, kaulas noyo mamagun ra giu'. Kalo matong ilo mangindangan koson ra tutumula' ondo' mangayou tayar ru Tuhan.”

SAGULION 27:16

“ ‘Kaulas noyo ulun ondo' magasab ra ina' kapoam ama' nilo.’ “Ngaangai' ulun tumaam ra, ‘Amin!’

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

KASAUKAN 14:19

Nambarakat io ri Abram, kono, “Gama' ru i Aki Kapuuno' Ondo' Masawat Kaga' no, ondo' napasauk ra limbowon am tana' ti mambarakat ri Abram!

TINGGANAI RU BANSA' 17:1

Mokoondo' sangulun ungkuyon makainggalan ri Mika ondo' minayan giu' ra kabuluran ru Ipraim.

TINGGANAI RU BANSA' 17:3

Pinasaguli' ri Mika pirok no ra ina' nano. Kon poyo ru ina' nano, “Maa' raginio okou, anak kuno kalo masulung ra ulas ondo' rinagu ku ragili, pataakon ku pirok ti ra Tuhan. Pirok ti pakayon koson patapison ra sinungkalalaing intor ra tataun. Pasagulion ku rirun pirok no.”