TINGGANAI RU BANSA' 14:9 - Tanou Moonsoi Timugon

⁹ Nangalap io ra ruu' maningot no ra kalindu' nano, am narayus minugar liliwa' nangakan ra ruu' maningot no. Nangani' io sanganu ruu' maningot ra matuo nano, am ilo pana nangakan raginio. Kaa' kalo nambala' i Simson risilo ra inalap no ruu' maningot no intor ra ralalom baangkai ru sanginan singa'.

TINGGANAI RU BANSA' 14:9 ပူးပေါင်းရင်းမြစ်များ

AMSAL 25:15

Orot ondo' masumbaya' ra ragu-ragu molomoi maalap kaintopot ru mangunguasa' am manutuk ra nansalinut pagagansangan.

TINGGANAI RU BANSA' 14:8

Kopongo kukula' buoi, saguli' i Simson ra intok raginio koson maguot ra ralaa no. Giu' ra tanga' ralan, lisang i Simson ra masaga' magilong ra singa' ondo' pinatoi nali. Paat nakasaboi ra giu' no nakito no sampanon maningot am niayuk ruu' maningot ralalom ru baangkai ru singa' no.

TINGGANAI RU BANSA' 14:10

Minongoi ama' ri Simson ra baloi ru ralaa no, am nambaal i Simson ra bunsag ra giu' no. Gitio noyo kaulayan ru ungkuyon mamulok paat raginio.

1 SAMUIL 10:16

Taam i Saul, “Kono, kaladai-kaladai no natuum noyo.” Kaa' kalo nambala' i Saul ra kamaman nano ra i Samuil no napasauk noyo ri Saul ra raja'.

1 SAMUIL 14:1

Sangarawan raginio, indagu i Jonatan ra buayoi magibit ra kinandoi nano, “Ibok ongoi to ra pangkiman ru ulun ru Palistin.” Kaa' kalo binalaan ri Jonatan ama' nano, Raja' Saul no.

AMSAL 24:13

Alii ra anak kuno, akan kau ra ruu' maningot sabap ra ruu' no moonsoi. Koson ra ruu' intor ra tambaloi ru maningot matamis ra akanon,