TINGGANAI RU BANSA' 13:6 - Tanou Moonsoi Timugon

⁶ Ruandu' no pana minongoi ra ralaki nano am indagu, “Sangulun sinusub ri Aki Kapuuno' minatong raki'. Baal nano koson ra malaikat ri Aki Kapuuno' saboi nalaa' aku. Kalo nangkuot aku ati intor nano, am io pana kalo nambala' ra inggalan nano.

TINGGANAI RU BANSA' 13:6 ပူးပေါင်းရင်းမြစ်များ

1 SAMUIL 9:6

Taam ulipon no, “Pai' poyo! Giti ra bandar ti mokoondo' sangulun ulipon ri Aki Kapuuno'. Urumaton io kaga' ru ulun sabap ra atan ondo' raguon nano totopot masauk. Ongoi to uma' riso. Maaru' lair makapambala' io rito ra ati intok ru kaladai-kaladai no.”

SAGULION 33:1

Ra kalo poyo minatoi, i Musa, ulipon ri Aki Kapuuno' no, nambarakat ra ulun ru Israil ra ragu-ragu ragitio:

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

RINALATAN 6:15

Ponontong boo ngaangai' ulun ondo' minongoi ra Majlis Ugama i ri Stipanus. Am kakito nilo ra bulos nali koson ra malaikat.

LUKAS 9:29

Liliwa' Io makiasi' ra giu' i, minalui bulos Nali am binayang Nali pana nasauk ra mapulak manguliat.

LUKAS 1:19

Taam malaikat no, “I Gabriil aku. Mangandoi aku ri Aki Kapuuno'. Io nanusub raki' mampasaboi ra pambalaan moonsoi ti rirun.

DANIL 10:11

Kon ru malaikat no raki', “Okou Danil, motogom i Aki Kapuuno' rirun. Sukal no am rongogo' toojo ragu kuti. Sinusub aku mongoi rirun.” Karagu no ginio, sukal aku, am lakat poyo monontol.

DANIL 10:5

Tungar aku am nakakito ra sangulun ondo' nambayang ra bayang linon am abot ondo' binaal intor ra mas kopoyo.

DANIL 8:17

Mininggaar i Gabriil raki' am bigor ra sapapa' kuni. Malaa' aku kaga' saboi liminaub aku. Kon ri Gabriil raki', “Okou ulun mapandai matoi, aratio' noyo arati' nano. Pinaintalang no intor ra orou pupus no.”

2 RAJA'-RAJA' 4:9

Kon ru ruandu' no ra ralaki nano, “Mangintopot aku ra ulun ondo' masalok matong ragiti no topot-topot ulipon ri Aki Kapuuno'.

1 TIMOTIUS 6:11

Kaa' okou ulun noyo ri Aki Kapuuno', ginio nai ra inggaluri' noyo ngaangai' baal malaat raginio. Singkotog no sumauk ra ulun motopot, matanda', makapangintapatan, motogom, tumaan guang am molomoi.

2 RAJA'-RAJA' 4:16

Indagu i Ilisa riso, “Paat koson ra raino ti ra bilor sumunu' ti, mangubibil kou ra sangulun anak ungkuyon.” Kon ru ruandu' no, “Tuan, pai' ga pagabau raki'. Okou no ulipon ri Aki Kapuuno'!”

1 RAJA'-RAJA' 17:24

Kon ru ruandu' napuor no, “Raino bagu aku makapandai ra okou ti sangulun ulipon ri Aki Kapuuno' am ra Tuhan topot-topot minindagu pinabala' galing rirun.”

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

1 SAMUIL 2:27

Sangarawan raiti sangulun nabi minatong ri Ili am nampasaboi ra tanou intor ra Tuhan. Kon ru nabi no, “Indagu Tuhan, ‘Paat ra kinamatuaan muli i Arun am sasambaloi nano nasauk ra ulipon ru raja' ru Misir, minintalang Aku ri Arun.

TINGGANAI RU BANSA' 13:22

Kon ri Manoa ra andu' nano, “Maaru' matoi to, sabap ra nakakito to noyo ri Aki Kapuuno'!”

TINGGANAI RU BANSA' 13:8

I Manoa pana nakiasi' ra Tuhan, “Iou Tuhan, gama' ru manusub kou ra ulipon Muno matong poyo ramon, am mambala' ramon ra atan musiti' baalon mai ra anak no malupus io anakon.”

JOSUA 14:6

Paat ra sangarawan, kukula' ngaulun intor ra bansa' ru Jiuda minuma' ri Josua giu' ra Gilgal. I Kalib anak ri Jipuni, ulun ru Kinas no, minindagu riso, “Nakapandai kou ra rinagu ru Tuhan ri Musa, ulipon ri Aki Kapuuno', ra ito ruo paat itakau giu' ra Kadis-Barnia.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

KAINGKUALAN 3:2

Giu' no minintalang malaikat ru Tuhan ri Musa ralalom ru apui ondo' manimbula' ra tatanga' ru bulungkut. Nakito no bulungkut ti manimbula', kaa' kalo nosolob.

KASAUKAN 32:29

Indagu i Jakub, “Balai' aku ra inggalan muno.” Kaa' taam ulun no, “Kalo pana makapandai kou ra inggalan kuno.” Barakato' no boo i Jakub.

KASAUKAN 18:2

Tungar io am kakito no mokoondo' talu ngaulun ungkuyon minigor ra tuma' nano. Kakito no ilo, pasimbul io ongoi tuum risilo. Kubu io boo,

TINGGANAI RU BANSA' 6:11

Kopongo raginio paat ra rondo' orou minatong malaikat ru Tuhan ra pekan Opra am nanturung ra saau ru puun oak longgom ri Joas, sangulun intor ra bansa' ru Abiijir. Anak ungkuyon ri Joas ondo' makainggalan ri Gidion tatanga' mangagik ra gandum giu' ra intok pamagaan ra anggur. Nambaal io ra kandoi no ra sininok maa' raginio kalo makito io ru ulun ru Midian.

TINGGANAI RU BANSA' 13:3

Paat ra sangarawan, minintalang malaikat ru Tuhan ra andu' ri Manoa am indagu, “Buoi ti kolondo' anak muno, kaa' kalo boo mabuoi maapang kou am maganak ra sangulun anak ungkuyon.

TINGGANAI RU BANSA' 13:7

Kaa' minindagu io raki' ra maapang aku am maganak ra sangulun anak ungkuyon. Nanginggalar io raki' manginum ra wain kapoam inumon makagauk kapoam mangakan ra akanon majamol, sabap kono, patimpokon anak no ri Aki Kapuuno' koson ra ulun Nazir buoi ru bayag nano.”

TINGGANAI RU BANSA' 13:10

Nasimbul ruandu' no ra nagindibok am pambala' ra ralaki nano, “Ilai' noyo, ulun ondo' minatong raki' ragili minatong poyo.”