TINGGANAI RU BANSA' 13:5 - Tanou Moonsoi Timugon

⁵ Mopongo ra anak muno anakon, pai' lampari' abuk nano sabap intor ra io inanak, patimpokon anak no ri Aki Kapuuno' koson ra ulun Nazir. Tumalimpuun io mapalabus ra ulun ru Israil intor ra kuasa' ru Palistin.”

TINGGANAI RU BANSA' 13:5 ပူးပေါင်းရင်းမြစ်များ

2 SAMUIL 8:1

Kukula' buoi raiti, namulunsar poyo Raja' Daut ra ulun ru Palistin. Nangala io risilo am nampagaau ra tana' nilono.

1 TUNUNG RU BANSA' ISRAIL 18:1

Kukula' buoi raiti, namulunsar Raja' Daut am nangala ra ulun ru Palistin, am niayuk nampagaau ra bandar Gat am niayuk ngaangai' pekan giu' ra liliut no.

AMOS 2:11

Nampili' Aku noyo ra kukula' ngaulun intor ra anak ungkuyon min koson masauk ra nabi, am kukula' ngaulun ra mamulok min masauk ra ulun Nazir. Sala' ka kia koon raginio, akau ulun ru Israil? Aku, Tuhan nakaindagu noyo.

UNTABAN 6:5

Buoi ra io ulun Nazir, kalo mokopomolompor io ra abuk nano kapoam sukurin. Maguut io ru nazar nano saboi makai' paat nano patimpokon inan tayar ra Tuhan. Ginio ra abuk nano am jangut nano musiti' polosoon gumawar.

LUKAS 1:15

Masauk io ra sangulun maatang maya' ra pagilangan ru Tuhan; ginio nai ra kalo makainum io ra anggur kapoam inumon ra bokon ondo' makagauk am kuasaan io ru Ambiluo ri Aki Kapuuno' intor ra io kakaanak ayuk poyo.

TINGGANAI RU BANSA' 16:17

Pupus no tunungo' ri Simson inopot nano. Kono, “Abuk kutu kalo poyo igondo' linompor. Intor ra tininai' pinataak aku noyo ri Aki Kapuuno' koson masauk ra ulun Nazir. Amon ru lomporon abuk kutu, ngaangai' kaikangan kuno mairu'. Malawo aku koson ra ulun kaindalaman.”

1 SAMUIL 1:11

Kopongo raginio rinagu ri Ana rondo' bantu', kono, “Iou Tuhan Ondo' Maayo Kaga' Kuasa', ilai' noyo ulipon Mutu. Ilai' noyo kapaganan kutu, am karaa' aku no. Pai' aku liliani'. Amon ru manaak Kou raki' ra sangulun anak ungkuyon, bantuon ku ra mapataak riso Rirun buoi ru bayag nano, am abuk nano kalo lamparin.”

1 SAMUIL 7:13

Koon raginio noyo ra ulun ru Palistin kinala. Buoi ri Samuil naayag, nongompong Tuhan ra ulun ru Palistin sumubol lalayau ra intok ru Israil.