TINGGANAI RU BANSA' 13:1 - Tanou Moonsoi Timugon

¹ Makatula poyo ulun ru Israil ra Tuhan, am nompoloso Tuhan ra ulun ru Palistin nanguasa' risilo buoi apat ngoopor ngambilor.

TINGGANAI RU BANSA' 13:1 ပူးပေါင်းရင်းမြစ်များ

1 SAMUIL 12:9

Kaa' kalupus raginio linilianan nilo Tuhan, i Aki Kapuuno' nilono. Ginio sabap ra nopoloso Tuhan ra ulun ru Palistin, raja' ru pagun Moab, am i Sisira, iono panglima saujor ru bandar Gajor, namulunsar ra kinamatuaan mini am nangala risilo.

TINGGANAI RU BANSA' 6:1

Igondo' poyo ulun ru Israil makatula ra Tuhan. Ginio ra nopoloso Tuhan ra ulun ru Midian nanguasa' risilo buoi tulu' ngambilor.

ROMA 2:6

Sabap ra moonong ulun balasin ri Aki Kapuuno' maya' ra binaal nano.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

TINGGANAI RU BANSA' 2:11

Ulun ru Israil pana makatula ra Tuhan. Kalo boo sumamba ilo ra Tuhan i Aki Kapuuno' ru kinamatuaan nilo, iono i Aki Kapuuno' ondo' nagibit risilo miningkual intor ra Misir. Tumalimpuun ilo sumamba ra Baal am Asyitorit am niayuk dewa-dewa ondo' sinamba ru ngaangai' bansa' giu' ra libung nilo. Ginio ra siminangit Tuhan risilo am nopoloso ra mantatakou namulunsar am nantakou risilo. Kalo makalulu' ilo manggal ra pantula' ra libung nilo.

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 4:1

Kopongo i Igud minatoi, makatula poyo ulun ru Israil ra Tuhan.

JIRIMIA 13:23

Makakulau kia ulun maitom ra batik ru kungkung nano, kapoam ampunguon makairu' ra gumutitikan nano? Maaru' kalo! Koson niayuk ramuyun ondo' maindalom mambaal ra malaat, kalo lair mambaal ra moonsoi.

IBRANI 11:32

Tunggulin ku poyo kia? Kaa' kalo niayuk makai' ku katunung baal ru ulun-ulun ru Israil, koson i Gidion, Barak, Simson, Jipta, raja' Daut, Samuil am poyo nabi-nabi ra bokon.

TINGGANAI RU BANSA' 12:15

Io pana minatoi am linobong giu' ra Piraton giu' ra wilayah Ipraim giu' ra kabuluran Amalik.

TINGGANAI RU BANSA' 15:11

Ginio ra minongoi talu ngaribu ngaulun Jiuda ra luang batu giu' ra bulur batu giu' ra Itam. Giu' no konilo ri Simson, “Kalo kia nakapandai kou ra nanguasa' ulun ru Palistin ritakau? Kua baalo' mu baal ragitio ramon?” Taam i Simson, “Aku pana mambalos ayuk ra binaal nilo.”

TINGGANAI RU BANSA' 15:20

Naningganai i Simson ra ulun ru Israil buoi ruo ngoopor ngambilor paat ulun ru Palistin nanguasa' ra pagun no.

1 SAMUIL 4:9

Pai' kau kalaa', saujor ru Palistin kau ngai'! Pangayou kano koson ra ungkuyon! Amon ru kalo, masauk takau ra ulipon ru ulun ru Ibrani koson ilo ragili nasauk ra ulipon takau. Ginio ra baani kano ra mangayou!”

1 SAMUIL 7:13

Koon raginio noyo ra ulun ru Palistin kinala. Buoi ri Samuil naayag, nongompong Tuhan ra ulun ru Palistin sumubol lalayau ra intok ru Israil.

TINGGANAI RU BANSA' 10:7

Ginio ra siminangit Tuhan ra ulun ru Israil. Nompoloso Io ra ulun ru Palistin am ulun ru Amon nangala risilo.

TINGGANAI RU BANSA' 14:4

Kalo nakapandai matuo ri Simson ra Tuhan nambaal ri Simson mambaal raginio, sabap ra tatanga' Tuhan maguyum ra kaluagan mamulunsar ra ulun ru Palistin. Paat raginio ulun ru Palistin nanguasa' ra ulun ru Israil.