TINGGANAI RU BANSA' 10:6 - Tanou Moonsoi Timugon

⁶ Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 10:6 ပူးပေါင်းရင်းမြစ်များ

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

1 RAJA'-RAJA' 11:7

Giu' ra rasawat ru rondo' gunung giu' ra tampilon sirangon ru Jirusalim, Raja' Salomo nambaal ra intok sambaan ra Kamos, dewa makatataman ondo' sambaan ru ulun ru Moab. Nambaal io ra intok sambaan ra Molok, dewa makatataman ondo' sambaan ru ulun ru Amon.

1 RAJA'-RAJA' 11:5

Raja' Salomo sumamba ra Asyitorit, dewi ru ulun ru Sidon, am Molok, dewa ondo' makatataman ondo' sambaan ru ulun ru Amon.

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

MAZMUR 106:36

Ulun ri Aki Kapuuno' sumamba ra sinungkalalaing, am ginio mangkinibit risilo ra kapusaan.

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

TINGGANAI RU BANSA' 16:23

Paat ra sangarawan, natitimung raja'-raja' ru Palistin koson munsag am mapataak ra taak simbalui ra maayo ri Dagon, dewa nilo. Kon ru raja'-raja' no, “Nangani' noyo dewa takau ra kamanangan ritakau ri Simson, pantula' takau!”

2 TUNUNG RU BANSA' ISRAIL 28:23

Nampataak io ra taak simbalui ra dewa-dewa ru ulun Siria ondo' nangala riso. Kon ru Raja' Agas, “Dewa-dewa ru ulun Siria nangindangan ra raja'-raja' ru Siria. Amon mampataak aku ra taak simbalui ra dewa-dewa raginio, aku niayuk indanganon.” Binaal raginio namparatong ra karaat riso am mamagun nano.

1 RAJA'-RAJA' 16:31

Kalo sama' riso koson makatula koson ra Raja' Jirobiam. Raja' Agab no nambaal ra malaat poyo kaga'; inandu' no i Ijibil, anak ruandu' ru Raja' Itbaal intor ra Sidon, am Raja' Agab niayuk siminamba ra Baal.

1 SAMUIL 5:2

Giu' ra bandar no, inibit nilo Kaban Nabantuan no pinaumpos ra kuil Dagon, dewa nilono. Pinabanta' nilo Kaban no ra sapapa' ru dewa sinungkalalaing no.

TINGGANAI RU BANSA' 13:1

Makatula poyo ulun ru Israil ra Tuhan, am nompoloso Tuhan ra ulun ru Palistin nanguasa' risilo buoi apat ngoopor ngambilor.

TINGGANAI RU BANSA' 6:1

Igondo' poyo ulun ru Israil makatula ra Tuhan. Ginio ra nopoloso Tuhan ra ulun ru Midian nanguasa' risilo buoi tulu' ngambilor.

TINGGANAI RU BANSA' 4:1

Kopongo i Igud minatoi, makatula poyo ulun ru Israil ra Tuhan.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

SAGULION 31:16

Indagu Tuhan ri Musa, “Kalo boo mabuoi matoi kou. Mopongo ra ugaran muno, bansa' ru Israil kalo boo gumagaya' Raki'. Lumungkang ilo ra nabantuan ondo' binaal Kuno risilo. Mangiruan ilo Raki' am sumamba ra tuhan-tuhan ondo' sambaan giu' ra tana' ondo' ayanin nilo ra mataki'.

SAGULION 31:17

Paat baal raginio masauk, sumangit Aku risilo. Mangiruan Aku risilo am mapuso ilo. Masuang karaat makalumpa' risilo; am makaliman ilo boo ra ngaangai' no masauk risilo sabap Aku, i Aki Kapuuno' nilo, kalo boo mabaya' risilo.

JOSUA 13:31

Intok nilo niayuk nakasimpung sampiruo ra libung Giliad nakaaya' Asytarot am Idrii, ruo pusor ru bandar pamarintaan Raja' Og giu' ra libung Basan. Titikop intok raginio tinaakan ra sampiruo intor ra sasambaloi ru papag ri Makgir anak ri Manasi.

TINGGANAI RU BANSA' 10:5

Kopongo raginio minatoi i Jair am linobong giu' ra Kamon.

TINGGANAI RU BANSA' 11:24

Masaga' kou kia gaawon saguli'? Alapo' noyo atan ondo' tinaakan ri Kamos, dewa muno. Kaa' akai mampaguut ra ngaangai' ondo' tinaakan ramon ru Tuhan, i Aki Kapuuno' mai.

JISAYA 23:4

Bandar Sidon tinauyu'! Raat malangka' am malandom kalo mangiou rirun, am mindagu, “Kolondo' anak kuno. Kalo igondo' aku napasukor ra anak ungkuyon kapoam ruandu'.”

YEHEZKIEL 27:16

Ulun ru Siria nambali ra kuliamos muno am nambayar ra batu jamrud, konoon matanggilung, konoon mokoondo' ra sulam, konoon linon malilis, batu karang am batu dalima'.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

SAGULION 13:8

Kaa' pai' polosoo' ulun no mangambi' ramuyun, am pai' rongog ra ragu nano. Pai' pakaasi' ra ulun raginio am pai' pangampin riso.

TINGGANAI RU BANSA' 8:33

Kopongo i Gidion minatoi, ulun ru Israil kalo boo giminagaya' ri Aki Kapuuno'. Sinamba nilo dewa-dewa Baal am napasauk ra Baal-Birit dewa nilo.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.