TINGGANAI RU BANSA' 1:7 - Tanou Moonsoi Timugon

⁷ Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.

TINGGANAI RU BANSA' 1:7 ပူးပေါင်းရင်းမြစ်များ

1 RAJA'-RAJA' 21:19

Ragui' io ra Aku, Tuhan mindagu riso, ‘Kopongo ra okou namatoi ra ampu' no, sumuali kou poyo kia ra rapu' nano poyo?’ Pambala' riso ra koon raginio ragu Kuno, ‘Giu' ra intok ru uku'-uku' nantila' ra raraa' ri Nabot, ra giu' no niayuk raraa' muno tilain ru uku'!’ ”

KAINGKUALAN 29:20

Simbaluyon domba gawayan no. Alapon boo koborok raraa' no am pakupilon ra talingo ra pamiris ri Arun am anak-anak nano, am ra pangina' ru kalayam ra pamiris nilo. Pawason suwo ru raraa' no ra kaapat-apat sapapa' ru altar no.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JIPANYA 3:19

Masaboi paat no; ukumin Ku ulun nangimbolo' ramuyun. Bayagon Ku ulun kimpo', am ibiton muli' ulun ondo' pinatiran. Mangkinibit Aku ra ulun mangurumat risilo, saboi giu' ra titikop ru tana', kalo boo asabin ilo.

ROMA 2:15

Baal nilai ti mampakito ra panusuban ru Ukum no soroi ra guang nilo. Bolos ru guang nilo poyo mapaintutun ra baal raginio, sabap ra pangkaraan nilo sanganuan mononsol am poyo sanganuan manaung risilo.

JAKUBUS 2:13

Sabap ra kalo noyo makaasi' i Aki Kapuuno' ra ulun ondo' kalo makaasi' ra ulun bokon. Kaa' ilo ondo' makaasi' ra bokon, asi' ri Aki Kapuuno' risilo no mauli' poyo intor ra ukum Nano.

PINAINTALANG 13:10

Osoi ayuk inaru' noyo rokopon, maaru' marakop. Osoi ayuk inaru' potoyon ra ilang, maaru' matoi ra ilang. Ginio sabap ra ulun ri Aki Kapuuno' musiti' tumaan ra kaimbalaan am gumagaya'.”

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

TINGGANAI RU BANSA' 1:6

Nagiru' Raja' Adoni-Bijik, kaa' inilou am rinakop nilo io. Pinutul nilo pangina' ru kalindu' am pangina' ru kalayam nano.

TINGGANAI RU BANSA' 9:24

Nasauk baal raginio maa' raginio mabalasan kalaatan ri Abimilik am mamagun ru Sikgim ondo' nanusuk riso namatoi ra tulu' ngoopor ngaulun anak ungkuyon ri Gidion.

TINGGANAI RU BANSA' 9:57

Nangkinibit i Aki Kapuuno' niayuk ra mamagun ru Sikgim naimbolo' sabap ra kalaatan nilo, koson ra rinagu ri Jotam anak ri Gidion paat io nagulas risilo.

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.