TINGGANAI RU BANSA' 1:6 - Tanou Moonsoi Timugon

⁶ Nagiru' Raja' Adoni-Bijik, kaa' inilou am rinakop nilo io. Pinutul nilo pangina' ru kalindu' am pangina' ru kalayam nano.

TINGGANAI RU BANSA' 1:6 ပူးပေါင်းရင်းမြစ်များ

KAINGKUALAN 29:20

Simbaluyon domba gawayan no. Alapon boo koborok raraa' no am pakupilon ra talingo ra pamiris ri Arun am anak-anak nano, am ra pangina' ru kalayam ra pamiris nilo. Pawason suwo ru raraa' no ra kaapat-apat sapapa' ru altar no.

TINGGANAI RU BANSA' 1:5

Nakatuum ilo ra Raja' Adoni-Bijik, am bulunsaro' nilo io.

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.

KAINGKUALAN 14:26

Indagu Tuhan ri Musa, “Patutuyo' noyo kalindu' muno ra rasawat ru raat, am sumaguli' timug no am mompolosor ra ulun ru Misir am kurita' kuda am niayuk mapaugar ra kurita' kuda nilo.”

KAINGKUALAN 21:24

mato aligin ra mato, ripon aligin ra ripon, kalindu' aligin ra kalindu', kalayam aligin ra kalayam,

JOSUA 15:16

Indagu i Kalib, “Paanduin ku anak ruandu' kuno, i Aksa ra ulun ondo' makagaau ra Kiryat-Sipir.”

ESTER 8:12

Ragu raginio pinaugar giu' ra titikop pamarintaan ru Pirsia paat ra orou ondo' inaru' koson pamatayan ra ulun ru Jaudi, iono paat ra orou koopor am talu sila' koopor am ruo, iono sila' Adar.

MAZMUR 59:11

I Aki Kapuuno' kuno ondo' motogom raki' no matong raki'; pailongon No aku ra pantula' kuno maala.

MAZMUR 107:40

Tuhan manauyu' ra ulun mangimbolo' risilo no, mangkinibit risilo tumanggau ra tana' kaagisan.

MAZMUR 149:8

koson mamangkil ra ngaangai' raja' am mamparantai ra tingganai nilono,

JIRIMIA 34:17

Ginio ra raino, Aku Tuhan, minindagu: Kalo giminagaya' kau Raki'; kalo linabusan min gino ngai' ru bansa' min ondo' nasauk ra ulipon. Amon ru ginio poyo, aniin Takamin ra kalabusan: kalabusan koson ra matoi sabap ra pangayawan, maruol tumapik am bitilan. Mangkinibit Aku ra moonong bansa' ra tana' ti malaa' magilong ra baal ondo' baalon Kuno ramuyun.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.