SULABOI 5:8 - Tanou Moonsoi Timugon

⁸ Kinuasa' akai ru ulipon, am kolondo' ulun ondo' makakuasa' mampalabus ramon intor risilo.

SULABOI 5:8 ပူးပေါင်းရင်းမြစ်များ

KASAUKAN 9:25

indagu io, “Kausung noyo i Kanaan! Masauk io ra uliponon ru pabukat-pabukat nano.

NIGIMIA 2:19

Pakapandai i Sanbalat, i Tobia am sangulun Arab ondo' ininggalanan ri Gisyim ra inatang mai no, nakakurit ilo am indagu, “Atan ondo' baalon mino? Gumuor kau kia ra raja'?”

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

AYUP 10:7

Nakapandai Kou ra kolondo' sala kuno, am kolondo' osoi pana makapamayag raki' intor Rirun.

AYUP 5:4

Anak nilo kalo mabayag; kolondo' ulun manaung risilo giu' ra makama.

MAZMUR 50:22

Rongogo' min, akau ondo' mampalilian Raki', amon ru kalo, pusoon Takamin; am kolondo' sangulun pana makapamayag ramuyun no.

MAZMUR 7:2

Iou Tuhan, i Aki Kapuuno' kuno, sumindung aku Rirun; bayago' am palabuso' aku no intor ra ngaangai' ulun ondo' mangasu raki' no.

AMSAL 30:22

Sangulun ulipon ondo' masauk ra raja', sangulun sasambungon ondo' makaalap ra nansalinut akanon ra kasagaan no,

JISAYA 43:13

Aku noyo i Aki Kapuuno', am Aku ti ayuk i Aki Kapuuno' ra mantilayun. Kolondo' sangulun pana makalabus intor ra kuasa' Kuno; kolondo' osoi-osoi pana makapanginga' Raki' ra mamatas.”

GOSIA 2:10

Langgain Ku ngaangai' pangiantakan nano – ondo' kia pangiantakan kabilaran am poyo pangiantakan kasilaan am orou Sabat – ngaangai' pangiantakan ru ugama nano.

JAKARIA 11:6

Indagu Tuhan, “Kalo makaasi' Aku ra osoi pana ra tana' ti. Aku galama' mampataak ra ngaangai' ulun ra ralalom kalindu' ru ulun manguasa' risilo. Ulun-ulun manguasa' no mamuso ra tana' ti, am kalo bayagon Ku io intor ra kuasa' nilo.”

SAGULION 28:43

“Ulun bansa' ru bokon ondo' minayan ra pagun mino lumanja' makakuasa', kaa' akau lumanja' lumiot kuasa'.