SULABOI 5:7 - Tanou Moonsoi Timugon

⁷ Kinamatuaan mai makatula, am raino kalio boo; kaa' akai musiti' maimbolo', sabap ra tula-tula nilo.

SULABOI 5:7 ပူးပေါင်းရင်းမြစ်များ

KASAUKAN 42:13

Indagu ilo, “Tuan, akai ti mopor am ruo ngaulun sangkaaka'. Anak ungkuyon akai ru sangulun ungkuyon minayan ra pagun ru Kanaan. Sangulun intor ramon minatoi noyo am raino ondo' pupusan maino soroi ra ama' maili.”

KASAUKAN 42:36

Indagu ama' nilono, “Masaga' kau kia ra maluusan aku ra ngaangai' anak kuno? I Jusup kalio noyo. I Simion pana kalio; am raino masaga' kau poyo magibit ri Binjamin ti. Aku ayuk ondo' maimbolo'!”

AYUP 7:21

Kalo kia ampunon Mu tula kuno? Kalo kia ampunon Mu sala kuno? Kalo boo mabuoi paribontoi aku giu' ra lobong, am kalio aku boo paat ra Okou maguyum raki'.

AYUP 7:8

Makito Mu aku raino, kaa' kalo boo makito Mu aku. Amon ru maagu no maguyum Kou raki', kalio aku boo.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

JIRIMIA 14:20

Iou Tuhan, ra Okou no ayuk akai makatula. Mangiou akai ra tula mai am tula ru kinamatuaan maili.

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 31:15

Indagu Tuhan, “Giu' ra Rama morongog manulaboi, tangi' ra malumpus kaga'. Nanulaboi i Ragil ra anak-anak nali; marara' io simoyoon sabap ra kalio ilo boo.

JIRIMIA 31:29

Paat raginio kalo boo mindagu ulun, ‘Matuo mangakan ra kawa' ru anggur mataris, kaa' anak-anak ondo' makaliman ra maangil.’

YEHEZKIEL 16:58

Raino musiti' kou maimbolo' kinibit ru binaal muno ondo' malaat am makauyuyu'.” Tuhan nakaindagu noyo.

YEHEZKIEL 18:2

“Atan kia panginuuyan ondo' sasabiton ru ulun giu' ra pagun ru Israil? ‘Ina' am ama' mangakan ra anggur mataris, kaa' anak ondo' maangil ripon.’ ”

JAKARIA 1:5

Ati kia kinamatuaan min am nabi-nabi i raino? Namagatoi ilo noyo.

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’