SULABOI 5:6 - Tanou Moonsoi Timugon

⁶ Makikitaak akai giu' ra Misir am Asyur, makitaak akai ra akanon koson mapatanduus ra kaayagan.

SULABOI 5:6 ပူးပေါင်းရင်းမြစ်များ

KASAUKAN 24:2

Sangarawan ragili, indagu i Abragam ra ulipon matutuo nano ondo' magalung ra ngaangai' rapu' nano, “Poompoyo' kalindu' muno ra lolot ru karuruo puun ru paa kutu am pagibot no.

2 RAJA'-RAJA' 10:15

Namparayus poyo Raja' Jigu ra pangkiralanan nano. Giu' ra tanga' ralan, tinuum io ri Jonadab anak ri Rikab. Liliwa' nanabi' riso, kono, “Sala' ka kia ito ti rondo' guang? Masaga' kou kia manungka' raki'?” Taam i Jonadab, “Masaga' aku.” Kon ru Raja' Jigu, “Amon ru koon poyo raginio, pansikin to.” Pansikin ilo, am pangindangan Raja' Jigu ri Jonadab sumakoi ra kurita' kuda nano.

JISAYA 57:9

Mampakai kau ra umau ondo' maamis owou am sumamba ra Dewa Molok. Manusub kau ra ulun mongoi ra pagun-pagun maalur, am niayuk giu' ra pagun ru ulun matoi.

JIRIMIA 2:18

Atan kia banang muno minongoi ra Misir am nanginum ra timug ru Sungoi Nil? Atan banang muno minongoi ra Asyur am nanginum ra timug ru Sungoi Iprat?

JIRIMIA 2:36

Pinainggana' min kaatangan ru inan sabap minongoi ra dewa ru bansa' bokon. Sindualin kau ru Misir, koson ra akau sinindualan ru Asyur.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

SULABOI 4:17

Mato mai maagui magilong, mangkuliman ra pangindanganan ondo' kalo rumatong. Malansan akai ra indangan intor ra bansa' ondo' sotopot no kalo makapangani' ra atan-atan.

YEHEZKIEL 17:18

Liminungkang raja' ru Jiuda ra ibot am nabantuan nano. Ginio ra kalo makalabus io.”

GOSIA 12:1

Indagu Tuhan, “Liminibung bansa' ru Israil Raki' ra abau am ruung, am bansa' ru Jiuda lakat poyo gumuor Raki', i Aki Kapuuno' ondo' matulai am gumagaya'.

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

GOSIA 7:11

Ulun ru Israil koson ra susuit asang ondo' sasambungon. Kasaa' no makiindangan ilo ra Misir, malupus raginio Asyur!

GOSIA 9:3

Akau, ulun ru Israil kalo mayan giu' ra pagun ondo' pataakon ru Tuhan ramuyun. Musiti' kau sumaguli' ra Misir am mangakan ra akanon ondo' kalo maakan giu' ra Asyur.