SULABOI 5:17 - Tanou Moonsoi Timugon

¹⁷ Mangiluk kaga' guang mai, lomou mai naratu' saboi mato mai majapul,

SULABOI 5:17 ပူးပေါင်းရင်းမြစ်များ

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

MAZMUR 6:7

Kolondo' boo lulu' kutu sabap ra mangiluk toojo guang kutu; moonong rondom kaalangan kuno naasa' ra tangi'; bantal kuno naasa' ra lomou.

AYUP 17:7

Mato kuno majapul sabap ra mangiluk guang; ngaangai' ru inan kuno matukal ra mangkagas.

JISAYA 38:14

Bolos kuno lumuku am malawo, malumpus aku koson ra susuit asang. Mato kuno maagui sabap ra mantingaa' ra limbowon. Iou Tuhan, bayago' aku no intor ra nansalinut kapaganan ragitio.

MIKA 6:13

Ginio ra nakatalimpuun aku noyo mampalamba' am mamuso ramuyun sabap ru tula min.

YEHEZKIEL 21:15

Ulun Kuno mansiab ambiluo am maratu' ra makasaru. Tatanga' aku mangakang ra bandar nilo ra ilang ondo' manguliat koson ra ganit, am ondo' nakatampos koson mampatoi.

YEHEZKIEL 21:7

Paat ra ilo mangkuot kua pampalaa kou, raguo' ra mangiluk guang muno sabap ra tanou ra matong no. Tanou no mambaal ra guang nilo malaa', kalindu' nilo malawo, mansiab ambiluo nilo am atur nilo monontol. Paat nano masaboi, am ngaangai' no masauk!” Tuhan Raja' nakaindagu noyo.

SULABOI 1:22

“Sonsolo' ilo sabap ra ngaangai' kalaatan nilo. Ukumi' ilo koson ra Okou nangukum raki' sabap ra tula kuno. Mampalaa aku sabap ra mangiluk kaga' guang kuno.”

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

JIRIMIA 46:5

Pangkuot Tuhan, “Kaa' atan kia ondo' nakito Kutu? Liminugut ilo ra nalaa'. Saujor nilo linamba' paluguto'; nagiru' ilo ra maribok kaga', kalo baani ilo mangkaili sabap ra nalaa' kaga'.

JIRIMIA 8:18

Guang kutu mangiluk am mapari', kangilukan kuno kalo maalap kapali'.

MAZMUR 69:3

matikolosor aku ra losok malandom, am kolondo' kinjangan; nalinjob aku ra timug malandom, am kinulun ru timug mamaar poyo mopolosor raki'.

MAZMUR 31:9

Kalo polosoon Mu aku rokopon ru pantula'; Okou noyo napalabus raki' mugar.

SAGULION 28:65

Ra gino ngai' ru bansa'-bansa', kalo makaalap kau ra kamiaan am kolondo' intok ondo' maalap min kasabit ra akau tatangan; Tuhan mangkinibit ramuyun magalabo, malawo guang am malaa'.

IMAMAT 26:36

“Mangkinibit Aku ramuyun ondo' pinatiran giu' pagun ru bokon malaa' kaga', saboi bolos ru raun ondo' siniob ru angin pana mangkinibit ramuyun magiru'. Magiru' kau saboi ilain ayuk ilowon ru pantula' ralalom pangayawan, am maratu' kau kabalu' pana kolondo' pantula' mamaar ramuyun.

MAZMUR 38:8

Salom monolob ra inan kuno, am marualan malanjag aku.