SULABOI 4:16 - Tanou Moonsoi Timugon

¹⁶ Kalo boo mampalio Tuhan risilo; Io galama' nampatutuliar risilo. Kalo boo ilain No imam-imam kapoam makaasi' ra tingganai-tingganai.

SULABOI 4:16 ပူးပေါင်းရင်းမြစ်များ

KASAUKAN 49:7

Kausung noyo sangit nilono, sabap ra najanjayan kaga'. Kausung noyo pamatayan nilono, sabap ra najanjayan laat. Pantuliaron ku ilo ra titikop tana' ru Israil, Pantuliaron ku ilo ra popolos ru mamagun nano.

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

MAZMUR 106:27

am pantutuliaron No papag nilono ra ngaangai' bansa', saboi matoi ilo giu' ra pagun-pagun suai.

MAZMUR 106:44

Kaa' Tuhan mangkirongog ra pampiawan nilono, am magilong ra kapaganan nilono.

JISAYA 24:2

Moonong ulun makatuum ra pupus nano ra mogondo' – imam-imam am mamagun, ulipon am tuan, mambabali am mantatalan, mapaira' ra ruit am magira' ra ruit, langkaya' am musikin.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JIRIMIA 15:4

Mangkinibit Aku ra ngaangai' bansa' ra tana' ti malaa' magilong risilo sabap ra binaal ri Manasi anak ri Gijkia giu' ra Jirusalim, paat ri Manasi nasauk ra raja' ru Jiuda.”

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 52:24

Suai raginio, i Nibujaradan, panglima ru saujor no, namparakop ra Tingganai Maayo Imam Siraya am ulun mangindangan riso, iono Imam Jipanya, am niayuk talu ngaulun pagawai maatang ru Baloi ru Tuhan.

SULABOI 2:20

Ilai' noyo, iou Tuhan! Ilai' ilo ondo' inimbolo' Muno! Ruandu'-ruandu' mangakan ra anak-anak ondo' tagamin nilo! Imam-imam am nabi-nabi pinatoi giu' ra ralalom Baloi ru Tuhan!

SULABOI 2:6

Nanutuk Io ra Baloi ru Tuhan intok takau sumamba Riso; iniru' No ngaangai' pangiantakan am orou Sabat. Raja' am imam ngaangai' no naimbolo' kinibit ru sangit Nano.

SULABOI 5:12

Tingganai-tingganai mai rinakop am tinair, ulun matutuo mai kalo boo urumaton.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.

IBRANI 8:9

Nabantuan nakabagu no sala' ka koson ra bantu' Kuli ra kinamatuaan nilai ondo' ragili inibit Ku mingkual intor ra pagun ru Misir. Kalo giminagaya' ilo ra binantu' Kuli. Ginio nai ra pinoloso Ku ilo ayuk.