SULABOI 3:48 - Tanou Moonsoi Timugon

⁴⁸ Lomou kuno tumilis koson ra sungoi sabap ra bansa' kuno natutuk noyo.

SULABOI 3:48 ပူးပေါင်းရင်းမြစ်များ

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

SULABOI 2:18

Okou Jirusalim, polosoon timbok muno gumolok ra Tuhan! Polosoon lomou muno tumilisan koson ra sungoi tumilis ra orou am rondom. Rayus no pantangi' am pangiluk saboi kou maagui.

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 9:18

Indagu mamagun ru Jiuda, “Susubo' ilo tumaki' marimbai ra rimbai panguliran ramon, saboi mato mai mototop ra lomou, am bingkolot ru mato mai maasa' sabap ra mantangi'.”

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 137:1

Ra igig ru sungoi giu' ra Babilonia itakau manturung am mantangi', bulintok ra itakau mangkara' ra Sion.

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.